Izraeli ka nisur një operacion ushtarak në shkallë të gjerë kundër militantëve palestinezë në kampin e refugjatëve Jenin në Bregun Perëndimor të pushtuar. Deri më tani nga konfliktet mes palëve raportohen të paktën tetë persona të vrarë dhe 50 të tjerë të plagosur.
Përmes dronëve, Forcat e Mbrojtjes së Izraelit kanë sulmuar kampin Jenin, pasi e kanë cilësua si fortesë të terrorizmit dhe kjo ka shkaktuar sulm dhe beteja me armë në rrugë.Lajmi është bërë i ditur nga Ministria e Shëndetësisë palestineze dhe sipas radios ushtarake izraelite, ka ende të shtëna nën rrënojat e një ndërtese që u godit nga aviacioni.
Në një koment fillestar, Lëvizja Nacional Çlirimtare Palestineze al-Fatah, e cila është një parti politike nacionaliste dhe socialdemokrate palestineze ka akuzuar Izraelin se ka nisur një “sulm barbar”, por që nuk do ta pengojë për të mbrojtur popullin e tyre deri në liri dhe pavarësi.
“Ne do të luftojmë forcat pushtuese deri në frymën dhe plumbin e fundit, dhe ne punojmë së bashku dhe të bashkuar nga të gjitha fraksionet dhe formacionet ushtarake.”
Forcat e Mbrojtjes së Izraelit thanë se po goditnin infrastrukturën terroriste në zonën e Jeninit.
Ministri i Jashtëm i Izraelit thotë se ata nuk po planifikojnë të zgjerojnë operacionin në të gjithë Bregun Perëndimor
Kryeministri palestinez Mohammad Shtayyeh tha se Izraeli po përpiqej të shkatërronte kampin dhe të zhvendoste popullin e tij.
Për operacion ushtarak që Izraeli ka ndërmarrë kundër militantëve palestinezë në kampin e refugjatëve Jenin në Bregun Perëndimor ka reaguar kryeministri palestinez Mohammad Shtayyeh.
Ai tha se sajo që po ndodh është një përpjekje e Izraelit për të shkatërruar kampin me refugjatë palestinezë.
"Ajo që po ndodh është një përpjekje e re për të shkatërruar kampin dhe për të zhvendosur njerëzit e tij. Kampi heroik i Jeninit është i palëkundur dhe rezistent ndaj pushtimit dhe pushtimeve të tij, ashtu si pjesa tjetër e qyteteve, fshatrave dhe kampeve tona.
Tutje ai tha se palestinezët do të përballen me këtë agresion që po bëhet nën sytë e komunitetit ndërkombëtar.
“Populli ynë heroik do të përballet me këtë agresion që po bëhet nën sytë e komunitetit ndërkombëtar. Aty ku bombardohen me avion njerëz të pafajshëm, populli ynë nuk do të gjunjëzohet dhe nuk do të dorëzohet dhe ne do të qëndrojmë në konfrontim derisa të përfundojë ky pushtim kriminal. Krimet në Jenin, Nablus dhe Gaza nuk do të sjellin siguri në Izrael për sa kohë që ai sulmon popullin tonë dhe punon kundër rrotës së historisë", tha kryeministri palestinez Mohammad Shtayyeh.
Ministri i jashtëm i Izraelit ka deklaruar se objektivi i ushtrisë izraelite nuk është populli palestinez, por grupet militante të sponsorizuara nga Irani që veprojnë në Jenin dhe organizojnë sulme terroriste.
Duke folur në një konferencë në Jerusalem, Eli Cohen tha se ushtria izraelite aktualisht po godet fortesën e terrorizmit me një forcë të madhe.
Ai tha se beteja është me organizata terroriste të financuara nga Teherani dhe jo me refugjatët e pafajshëm palestinezë.
“Për shkak të organizatës terroriste dhe fondeve që ata marrin nga Irani, kampi Jenin është kthyer në një qendër të aktivitetit terrorist”, shton Cohen.
Ai tha gjithashtu se Izraeli do të veprojë me kujdes dhe ushtri9a do të bëjë përpjekjet e nevojshme për të parandaluar dëmtimin e popullatës civile.
Komente
Lajme të tjera
-
Netanyahu: Trupat izraelite do të kontrollojnë një zonë neutrale brenda Sirisë për një periudhë të pacaktuar
17 Dhjetor, 21:29 -
Reuters: Netanyahu drejt Kairos për armëpushimin në Gaza
17 Dhjetor, 17:20 -
VIDEO/ Bomba izraelite në Siri shkakton tërmet
16 Dhjetor, 16:06 -
Izraeli bombardon në Gaza, 20 të vdekur në shkollën e Khan Younis, mes tyre fëmijë! Vritet dhe kameramani i ‘Al Jazeera’, IDF: Ishte anëtar i Xhihadit Islamik
16 Dhjetor, 08:21 -
Qeveria izraelite miraton plan për zgjerimin e vendbanimeve në Lartësitë Golan
15 Dhjetor, 19:43 -
Pse Izraeli pushtoi malin më të lartë të Sirisë vetëm disa orë pas rënies së Bashar al-Assadit?
15 Dhjetor, 13:04 -
Shtëpia e Bardhë publikon strategjinë për luftim të urrejtjes kundër myslimanëve dhe arabëve
13 Dhjetor, 10:10 -
Lufta në Gaza/ Sulmi izraelit në kampin e Nuseiratit, numri i viktimave rritet në 33
13 Dhjetor, 07:21 -
Nga Izraeli, bëhen thirrje për ndarjen e Sirisë në tre shtete! Ja cilat janë ato
12 Dhjetor, 17:18 -
OKB miraton rezolutë për armëpushim të menjëhershëm në Gaza, pranohet nga shumica! Izraeli dhe SHBA kundër
12 Dhjetor, 13:54
-
Trupat izraelite nisin të tërhiqen nga Libani! Rezoluta e OKB-së bën thirrje për armëpushim të menjëhershëm dhe lirimin e pengjeve
12 Dhjetor, 07:27 -
Bilalli në ‘Studio Live’: Procesi në Hagë ka tendencë të njollosë Kosovën! Turqia më e fituara në Siri, Erdogani e luajti mirë shahun
11 Dhjetor, 19:29
Marshallah Habibi
PërgjigjuPerse nuk solidarizohet bota me Palestinen si po ben me Ukrainen apo jane partneret e Amerikes ata dhe mund te bejne cte duan ? Kur ju degjon me ato pallavrat gjoja jeni vende qe doni demokraci dhe drejtesi eshte nje turp dhe ska dal ai qe ju beson dhe degjon akoma
Përgjigju