POP 5

Lajmet më të lexuara të 5 minutave të fundit

Bota

Duke thirrur 'vdekje arabëve' dhe 'shko në Gaza', një grup izraelitësh sulmojnë gazetaren arabe të 'France 24' gjatë transmetimit

Një gazetare e 'France 24', u sulmua nga disa izraelitë fanatikë vetëm sepse fliste arabisht në vendin e sulmit me bombë që ndodhi në perëndim të Kudsit të mërkurën, më 23 nëntor, me sloganin 'Vdekja e arabëve'

Duke thirrur 'vdekje arabëve' dhe 'shko në Gaza', një grup izraelitësh sulmojnë gazetaren arabe të 'France 24' gjatë transmetimit

Një gazetare e televizionit francez "France 24", u sulmua nga disa izraelitë fanatikë vetëm sepse fliste arabisht në vendin e sulmit me bombë që ndodhi në perëndim të Kudsit të mërkurën, më 23 nëntor.

Incidenti ka ndodhur në ditën e dy sulmeve të veçanta me bomba në Kudsin Perëndimor. Izraelitët fanatikë sulmuan gazetaren Leyla Awdeh, e cila punon për televizionin France 24, sepse fliste arabisht teksa ajo transmetonte drejtpërdrejt në zonën Givat Shaul, një nga vendet ku u krye sulmi, raportojnë mediat e huaja.

Grupi prej rreth 30 personash tentoi të pengonte transmetimin duke dalë para kamerës, ndërkohë që mes të rinjve dhe gazetares Awdeh pati një përleshje verbale. Disa njerëz në grup përdorën shprehje të tilla si "Vdekje arabëve", "Arabët të shkojnë në Rusi", "Ky është një shpërthim arab".

Sipas lajmeve të publikuara në mediat ndërkombëtare, pas transmetimit të drejtpërdrejtë, hebrenjtë fanatikë që rrethuan ekipin “duke vazhduar fyerjet dhe duke shtuar sjelljen e tyre agresive”, i kanë thënë gazetares Awde me tone të ashpra: “Shko në Gaza”.

Në lajme thuhet se personat kanë goditur me grusht kameramanin e France 24 dhe kanë thyer trekëmbëshin e kamerës.

Leyla Awdeh u sulmua gjithashtu gjatë "Marshimit të Flamurit", kur kolonët fanatikë hebrenj sulmuan palestinezët dhe anëtarët e shtypit në maj.

Policia izraelite njoftoi më 23 nëntor se sulme me bomba u kryen në dy stacione autobusësh në pika të veçanta në kryqëzimet Givat Shaul dhe Ramot të Kudsit Perëndimor, duke vrarë 1 izraelit dhe duke plagosur gjithsej 14 persona, 3 prej tyre në gjendje të rëndë.

Teksa askush nuk mori përgjegjësinë për sulmet, autoritetet izraelite vendosën një ndalim transmetimi për hetimin.

S.S/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

VIDEOLAJM/ Arrestimi i presidentit në Korenë e Jugut, 3 mijë policë në operacion, 3 orë kërkime! Oficerët prenë telat me gjemba

VIDEOLAJM/ Arrestimi i presidentit në Korenë e Jugut, 3 mijë policë në operacion, 3 orë kërkime! Oficerët prenë telat me gjemba

15 Janar, 08:16