Ja çfarë duhet të bëni për të
qenë sa më energjik në punë

Shumica e njerëzve ndjehen të lodhur kur zgjohen herët në mëngjes për të shkuar në punë. Mungesa e energjisë për shkak se nuk kemi kryer ushtrime fizike, nuk kemi ngrënë mëngjes apo nuk kemi bërë mjaftueshëm gjumë mund të ndikojë keq në performancën tonë të punës.

Të pasurit një stil të shëndetshëm të jetës është një gjë e rëndësishme.

Konsumoni ujë

Konsumimi i ujit jo vetëm që na mban të hidratuar, por edhe më energjik. Uji i largon toksinat nga sistemi dhe ua jep atë ndjenjën e të qenit i/e plotë, prandaj jeni më të prirë të mos ushqeheni me ushqime të këqija. Aq më shumë ujë që pini, aq më shumë udhëtime për në tualet do të bëni, gjë që ju inkurajon të lëvizni përgjatë ditës.

Ushqimi i shëndetshëm

Shumica nga ne e kemi përjetuar atë momentin e pasdites ku vetëm duam të hamë diçka, shpeshherë diçka të kripur ose me sheqer. Por, mos bini viktimë e këtyre dëshirave jo të shëndetshme. Mbani ushqime të shëndetshëm afër dhe qëndroni të përgatitur kur jeni të uritur.

 Meditim

Bërja e gjërave rutinore e heq lumturinë.

Praktikimi i meditimit na ndihmon të ngadalësojmë me gjërat dhe të jemi mjaftueshëm prezent për t’i njohur gjërat e vogla të cilat na sjellin kënaqësi në punë.

Gjithashtu, meditimi na ndihmon t’i shohim më qartë qëllimet tona dhe të jetojmë një jetë më të kompletuar.

Aktivitetet e vogla fizike

Kur jeni në punë, shtoni edhe pak aktivitet fizik rutinës tuaj ditore. Në vend se të përdorni ashensorin, ngjituni shkallëve ose nëse përdorni transport publik, ndaluni një stacion më herët dhe ecni për në punë. Gjatë pushimeve të drekës dilni dhe ecni me kolegët.

Bëni një pushim 5-minutësh

Herë pas here pushoni sytë duke shikuar një objekt të caktuar. Bëni ushtrime të zgjatjes në tavolinë. 

Redaksia Online
(M.Ç/shqiptarja.com)