Ja disa mënyra si të ballafaqohemi
me kritikat në mënyrë sa më efikase

Jo të gjithë i pëlqejnë kritikat. Por, fatkeqësisht janë diçka që të gjithë duhet të ballafaqohemi në një pikë të jetës.

Njerëzit do t’ju gjykojnë në bazë të punës që e keni kryer, qoftë nëse është ajo në punë apo në shtëpi, dhe ajo që duhet bërë është që të ballafaqohemi me të duke treguar durim pasi fjalët e ashpra mund t’ju demoralizojnë.

Edhe njerëzit më të njohur në botë tregojnë se është mirë t’i mbani kritikat afër vetes, pasi vetëm kështu  do t’i dini gabimet tuaja. Kjo është mënyrë e mirë për t’i mësuar dobësitë dhe për t’i mposhtur ato.

Sidoqoftë, ka shumë mënyra për t’u ballafaquar me kritikat, por së pari duhet të kuptoni se çfarë lloji  kritike  është. Gjithashtu duhet të injoroni tonin apo mënyrën me të cilën një person ju ka kritikuar.

Dëgjoni me kujdes se çfarë kritikët thonë për ju

Fillimisht duhet të dëgjoni se çfarë duan të thonë kritikët për ju. Analizoni komentet e tyre nga të gjitha këndvështrimet dhe shikoni me kujdes nëse janë duke e bërë këtë nga zilia apo thjesht janë sugjerime të vlefshme.

Nëse qëllimet e tyre janë të vërteta, atëherë dëgjoni me kujdes!

Përgjigjuni me qetësi

Pavarësisht se sa të ashpra janë kritikat ndaj teje, gjithmonë duhet t’i dëgjoni dhe t’ju përgjigjeni në mënyrë të qetë pasi kritikët të kenë thënë gjithçka.
Mbani mend, duhet të kontrolloni veten dhe të kujdeseni për nivelet e stresit.

Injoroni kritikat false

Ndonjëherë nuk ka logjikë në komentet kritike të dikujt dhe njerëzit kanë tendenca t’ju kritikojnë vetëm për t’ju lënduar. Prandaj, në situata të tilla duhet të qëndroni të heshtur dhe të mos ju kushtoni vëmendje, por t’i injoroni plotësisht.

Buzëqeshni dhe relaksohuni

Qoftë nëse ju pëlqejnë apo jo komentet e dikujt, ju duhet të qëndroni të pandryshuar. Merrni frymë thellë dhe buzëqeshni, nuk ka rëndësi edhe nëse është buzëqeshje false, pasi që kjo mund t’ju ndihmojë të relaksoheni.

Mos i merrni gjërat personalisht

Kjo është rrënja e të gjitha problemeve. Përse njerëzit i marrin gjërat shumë personalisht?
Duhet të kuptoni se kur njerëzit kritikojnë, ata e krijojnë punën tuaj, e jo juve si person. 

Redaksia Online
(M.Ç/shqiptarja.com)