Ja dokumenti ku Berisha paralajmeronte 100 mijë protestues në Bulevard, por s’i erdhën as 1/10

TIRANË- Sali Berisha zhvilloi ditën e sotme një protestë, të cilën me të madhe e kishte trumbetuar si një “revolucion” e që do të rrëzonte  Edi Ramën nga pushteti, mirëpo kur kjo nuk ndodhi, ai vendosi që ta shtynte rrëzimin e qeverisë për të hënën.

Që me rikthimin e tij në krye të PD-së, Berisha ka zhvilluar jo pak protesta dhe më shumë se një kauzë në interes të qytetarëve, të gjitha kanë qenë “teste” për të kuptuar se sa veta ka pasur rreth vetes, nisur edhe nga fakti se vendi është në prag të zgjedhjeve lokale. 

Mirëpo, përtej luftës së tij të brendshme dhe konfirmimit si lider i demokratëve, Berisha u pa shumë i vogël në krahasim me kauzën e madhe që kishte ngritur, për të rrëzuar Ramën dhe ardhjen e PD-së në pushtet. Berisha e sheh vetes si kundërshtarin kryesor që mund ta rrëzojë Ramën nga pushteti, mirëpo nuk shihet si i tillë nga populli opozitar. Kjo u vërtetua edhe sot në Bulevard.

Në këtë dokument të 2 ditëve më parë, kur njoftoi policinë për mbajtjen e protestës, Berisha tha se të pranishëm do të jenë nga 80 mijë deri në 100 mijë protestues, mirëpo kjo duket se ishte një “ëndërr” e tij, pasi realiteti ishte krejtësisht tjetër. Sot ai, në bashkëpunim me aleatin e tij, Ilir Metën nuk mblodhi as 1/10, rreth 7-10 mijë protestues, pavarësisht përpjekjeve të tij duke nxjerr pamje me regji qendrorë apo shpërndarjes së protestuesve për të mbushur të gjithë Bulevardin.

Dokumenti që Sali Berisha dorëzoi në polici, ku njoftoi për pjesëmarrjen

 

B.K./xy/Shqiptarja.com

TAG:
• protesta e Berishes 11 shkurt
• sali berisha