TIRANE - Ibrahim Basha që kishte vetëm një vit pjesë e RENEA-s mbeti i vrarë sot gjatë një operacioni policor në Lazarat. Një plumb në kokë i mori atij jetën, ndërsa dy pjesëtar të tjerë të RENEA-s mbetën të plagosur. Ata u sulmuan befasisht ndërsa ndodheshin në furgonin e policisë ne aksion për të kapur një grup kriminal që kishte nisur pas mesnate të shtënat ndaj policisë lokale në Lazarat. 

31-vjeçari i diplomuar në Universitetin Bujqësor të Kamzës, Basha ka qenë për shatë vite pjesë e Forcave të Armatosura të Shqipërisë duke qenë pjesë dhe e misionit paqeruajtës në Afganistan bashkë me “Dëshmorin e Atdheut”, Feti Voglin, i cili humbi jetën në shkurt 2012 gjatë misionit.

ibrahim basha
(Ibrahim Basha)

Basha, i cili çdo vit që mbahej muaji i Ramazanit nuk harronte të uronte besimtarët, pikërisht dhe postimin e fundit në profilin e tij në Facebook e ka për këtë gjë, 
shtatë ditë më parë ne nisje te agjërimit.

efektivi basha ne fb
(Postimi i fundit i Ibrahim Bashës në Facebook)

ibrahim basha

ibrahim basha

Ndërsa në vitin 2013, Bimi, siç i pëlqente atij ta thërrisnin, ka postuar një foto ku tregon pjesëmarrjen në ceremoninë përkujtimore të Voglit, pa e ditur se edhe ai do të binte “dëshmor”.

ibrahim basha feti vogli

Plumbat që i morën jetën Bashës, plagosën dhe dy kolegë të tij, Jetmir Isajn dhe Perlat Hamitaj. Njëri ka një plagë sipërfaqësore në kokë, ndërsa tjetri është plagosur në shpatullën e majtë.

Isaj, 37 vjeç nga Shkodra, ka qenë më parë pjesë e Briskut, strukturë tashmë e shtkrirë nga Policia e Shtetit. Ne vitin 2011 Isaj u caktua truproje personale e kryetarit te Komisionit Qendror te Zgjedhje, ne ate kohe Arben Ristani. Isaj u caktua nga qeveria Berisha per mbrojtjen e Ristanit per shkak te situates konfliktuale e qe u krijua ne ate kohe gjate numerimit te votave ne kete institucion per Bashkine e Tiranes.

Babai i një vajze dhe nje djali ka qenë boksier profesionist si dhe ka qenë kampion për të rinj. 

jetmir isaj
jetmir isaj

(Jetmir Isaj)

Edhe Perlat Hamitaj, ashtu si Jetmiri ka pasion boksin. Në profilin e tij në Facebook ai mban një foto duke u stërvitur.

perlat hamitaj
perlat hamitaj
perlat hamitaj
(Perlat Hamitaj )

Në profilin e të dyve pas publikimit të lajmit për ngjarjen në Lazarat kanë vërshuar dhjetëra postime, ku u urohet shërim i shpejtë, mes tyre janë dhe familjarë.

Por ka nga ata të cilët ngrenë pikëpyetje për aksionin e policisë.

Redaksia Online
(o.b/ Shqiptarja.com)