POP 5

Lajmet më të lexuara të 5 minutave të fundit

Kronikë

Ja kush janë vajzat shqiptare të
masakruara nga vrasësi italian

Mediat në Itali kanë rikthyer edhe njëherë vëmendjen tek krimet e kryera nga Maurizio Minghella, i cilësuar si vrasësi serial dhe i dënuar me 131 vite burg për ekzekutimin e 6 femrave. Maurizio Minghella, konsiderohet si vrasësi më i egër i historisë kriminale italiane.

Por hetimet kanë zbuluar fakte që e implikojnë Minghellan edhe me vrasjen e shtatë prostitutave të tjera.

vrasesi italian

Në mesin e viktimave, që kanë rënë pre e këtij vrasësi, janë edhe katër vajza shqiptare: Nadia Shehu 24–vjeçe, Heriona Sulejmani, 16 vjeçe, Elisa Jaku 22 vjeçe dhe Floreta Islami.

Krimet e vrasësit serial kanë ndodhur mes viteve 1996 dhe 1998 në Torino, Itali. Gjatë hetimeve janë gjetur prova të një serie krimesh të kryera nga Maurizio Minghella. Ky i fundit përdorte litarë, rripa, çorape të holla, shalle për të mbytur viktimat. Analizat shkencore kanë identifikuar ADN-në e gjetur në këto prova materiale që i përket pikërisht Maurizio Minghella.

Në vitin 1978 Minghella u arrestua dhe u dënua me burgim të përjetshëm për vrasjen e 5 grave në Genoa. Pas 18 vitesh ai u lirua nga burgu dhe u zhvendos në Torino, ku bëri edhe vrasjet e tjera.

Gratë e tjera të vrarë nga ai janë Ebe Romano 35 vjeç, Fatima ‘H Dido, Tina Motoc, Cosima Guido.

Hetuesi Marco Martino vendosi të rihapë çështjen me dyshimin se ka ende gra të tjera të vrara nga Maurizio Minghella, krime që mund të mos jenë zbuluar. Dyshimet nisën pasi u zbulua vrasja e një prostitute shqiptare në vitin 1998. Bëhet fjalë pikërisht për Floreta Islamin, vrasja e së cilës u zbulua para pak kohësh. Ajo ishte mbytur me shall dhe aty ishin zbuluar gjurmë të vrasësit serial.

Redaksia Online
(u.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55