POP 5

Lajmet më të lexuara të 5 minutave të fundit

Politikë

Eksperti italian: Ja pse mund të dështojë ardhja e 20 afrikanëve në Shqipëri

Kryetari i Shoqatës Italiane të Studimeve Juridike mbi Emigracionin, Lorenzo Trucco në një intervistë për mediat në vendin fqinj tregon arsyet se përse 20 emigrantët nga Eritrea mund që të mos vijnë në Shqipëri.

Shqipëria pak ditë më parë vendosi që të pranonte 20 emigrantë nga anija “Diciotti”  që u bllokua në portin e Catania-s. Por, pavarësisht dëshirës së Shqipërisë, sikur u shpreh kryeministri Rama për të ndihmuar Italinë në këtë moment, që sipas tij është lënë vetëm nga BE përballë krizës së emigrantëve, kjo tentativë mund të dështojë.

Kryetari i Shoqatës Italiane të Studimeve Juridike mbi Emigracionin, Lorenzo Trucco në një intervistë për mediat në vendin fqinj tregon arsyet se përse 20 emigrantët nga Eritrea mund që të mos vijnë në Shqipëri. Ai thotë se është e pamundur ligjërisht një nismë e tillë e ndërmarrë nga Shqipëria, pasi nuk është në BE dhe kjo do të thoshte largim të detyruar apo ilegal të refugjatëve nga Italia.

Në këtë pikë jemi jashtë çdo plani juridik, pasi Shqipëria nuk është pjesë e Bashkimit Europian dhe në këtë mënyrë po flasim për një largim në një vend të tretë që nuk ka gjithçka që është parashikuar nga sistemi i përbashkët europian i azilit. Kjo do të thotë se nuk jemi të sigurt nëse kemi plotësuar kërkesën e tyre për njohjen e mbrojtjes. Transferimi në Shqipëri mund të bëhet vetëm nëse emigrantët janë dakord dhe jo kundër dëshirës së tyre, pasi do të ishte largim me forcë. Pastaj është edhe çështja e zgjedhjes. Si do të përcaktohet kush duhet të shkojë në Shqipëri? Është një teatër absurd.

Lorenco Trucco

Nga 150 emigrantë që ndodheshin në anijen “Diciotti” që u bllokua në Catania, 20 i mori Shqipëria, 25 Irlanda dhe pjesa tjetër u strehuan nga kishat në Itali. Por duket se rruga e tyre për të ardhur në Shqipëri do të jetë e gjatë, pasi legjislacioni e kundërshton një gjë të tillë sipas Lorenco Trucco.

 


Intervista e Lorenco Trucco ne mediat italiane

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Gaza/ Foshnja e porsalindur vdes nga i ftohti natën e Krishtlindjes, ndërsa Izraeli e Hamasi debatojnë për armëpushim

Gaza/ Foshnja e porsalindur vdes nga i ftohti natën e Krishtlindjes, ndërsa Izraeli e Hamasi debatojnë për armëpushim

26 Dhjetor, 14:00 nga Arlind Isa