Jacobson: Bashkëpunojmë me çdo
qeveri që vjen pa vota të vjedhura

Shtetet e Bashkuara të Amerikës nuk kanë asnjë preferencë për parti a lider në zgjedhjet e 8 qershorit”, ka thënë Ambasadorja amerikane, Tracey Jacobson.

Në intervistë në “Rubikon” të KTV-së, kryediplomatja ka thënë se “nuk është e vërtetë se ne do t’i tregojmë njerëzve se për kë do të votojnë. Ne kërkojmë vetëm zgjedhje të lira dhe demokratike”.

Ajo ritheksoi se do të bashkëpunojnë më cilëndo parti që do të vijë në pushtet, por se “do të ishte më mirë të bashkëpunonim me një qeveri që merren vesh dhe që nuk vjen nga votat e manipuluar”, transmeton Koha.net.

Ambasadorja amerikane në Kosovë, Jacobson, është shprehur e zhgënjyer që zgjedhjet e 8 qershorit po mbahen pa përmbylljen e reformës zgjedhore.

Ajo shpreson që në legjislativin e ardhshëm të bëhet një reformë e thellë zgjedhore e jo ashtu siç është tentuar të bëhet. 

Redaksia Online
(Gre.M/Shqiptarja.com)