/ATSH/ -Presidentja e Republikës së Kosovës, Atifete Jahjaga, priti sot në takim përfaqësues të shoqërisë civile, të cilat ditë më parë bënë deklaratë të përbashkët në mbështetje të dialogut politik për të adresuar zhvillimet e fundit në vend.
Presidentja e Republikës së Kosovës, Atifete Jahjaga, bën të ditur nëpërmjet postimit të saj në Facebook se  është takuar me përfaqësues të shoqërisë civile, ku në fokus ishte dialogu politik në Kosovë.
Përfaqësuesit e shoqërisë civile,  Ismet Kryeziu, nga KDI,  Ariana Qosaj-Mustafa, nga KIPRED, Petrit Zogaj, nga FOL, Edita Mustafa, nga KDI, Veton Mujaj, nga Syri i Vizionit dhe Fatmir Curri, nga KCSF të cilet përgëzuan Presidenten Jahjaga për angazhimin e saj kushtetues për të lehtësuar dialogun politik me partitë politike parlamentare të Kosovës në përpjekje për të tejkaluar gjendjen e krijuar në vend duke theksuar se thirrja e Presidentes për dialog politik është e vetmja mundësi për të tejkaluar zhvillimet e fundit.