POP 5

Lajmet më të lexuara të 5 minutave të fundit

Kultura

Jaho trondit Londrën me "Suor
Angelica", Mediat: Nivel i shkëlqye

Sopranoja shqiptare Ermonela Jaho, e cila ka disa javë që performon në Operën Mbretërore të Londrës me “Triptikun” e Puccini-t, në rolin e murgeshës Angelica ka marrë vlerësime të jashtëzakonshme, jo vetëm nga publiku, por edhe nga mediat londineze.  VIDEO
Sopranoja shqiptare Ermonela Jaho, e cila ka disa javë që performon në Operën Mbretërore të Londrës me “Triptikun” e Puccini-t, në rolin e murgeshës Angelica ka marrë vlerësime të jashtëzakonshme, jo vetëm nga publiku, por edhe nga mediat londineze. Pas shfajes së operës “Suor Angelica” të Puccin-it më 15 mars“, Ermonela Jaho e përfshirë në interpretimin e siqertë të dramës së murgeshës ka shkaktuar tronditje deri në dhimbje në publik. Rasti i shfaqjes së të martës përfshiu një grua nga publiku, e cila kishte pasur një histori të ngjashme me rolin e sopranos shqiptare. Kur kishte qenë e re ajo kishte mbetur shtatzënë. I kishin marrë fëmijën dhe ia kishin mbyllur në një manastir.

ermonela jaho

Pak a shumë ky është edhe roli i Ermonela Jahos si Suour Angelica te opera e Puccini-t. “Ermonela Jaho ishtemahnitëse në ccdo gjë... Këndimi delikat i “Senza mamma” dukej sikur vinte direkt nga një ninullë që i këndohet një fëmije teksa fle, dhe kjo bëri që shpërthimet e saj të lëndonin edhe më shumë. Zëri i Jahos na përshkoi të gjithëve; ajo krijoi një tingull madhështor në teatër, dhe nuk u përmbajt të linte dhe pak egërsi në të, aty ku ngjarjes i nevojitej.

ermonela jaho

Marrja e duartrokitjeve ishte pothuajse aq efikase sa interpretimi; përjetuam një moment të sinqertë ku artisti është derdhur i gjithi në rol, dhe me në fund ndjen publikun që e kupton dhe vlerëson atë...shkruan The Sunday Times një ditë pas premierës.

Ndërsa The Telegraph, në artikullin “Opera Mbreterore: Puccini i një niveli të shkëlqyer shkruan mes të tjerësh se  “Sopranoja shqiptare Ermonela Jaho shkaktoi një ndjesi në vitin 2011, kur një kohe të shkurtër ajo mori rolin udhëheqës në Suor Angelica, opera e dytë e trilogjisë së Puçinit Il Trittico. Ajo kthehet për një ringjitje aq të lavdishme si kurrë më parë, duke investuar në karakterin e murgeshës së traumatizuar me të njëjtin kombinim të shkëlqimit të zërit me intensitetin ekspresiv”.

ermonela jaho

Është e pafjalë dhe ka pasur mëdyshje në reagimin e saj, pas lajmit se në shfaqjet e saj Opera Mbretërore ka thirrur disa herë, siç ndodhi edhe të martën në mbrëmje, ambulancën dhe mjekët për të ofruar ndihmë mjekësore për spektatorët, të cilët janë emocionuar dhe tronditur nga dramaciteti dhe loja mjaft e ndjerë e këngëtares shqiptare. Kjo ka ndodhur disa herë gjatë këtyre javëve dhe faktin e konfirmon vetë Salvatore Scalzo, menaxher i Operas Mbretërore në “Covent Garden”.

Ai thotë se “kemi pasur disa raste të tilla dhe kjo i dedikohet padyshim klasit të Ermonela Jahos në rolin e Sur Angelica”.

Salvatore Scalzo i Operas Mbretërore në Londër ka theksuar më tej se “Nuk kemi pasur raste të tilla vitet e fundit, me aq sa kam punuar unë në këtë Opera. Ovacionet dhe duartrokitjet në sallë flasin vetë për talentin e Ermonelës”


 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Besa i sfidon në Shkodër, Brdaric: I vlerësojmë maksimalisht, mund të kemi rotacion

Besa i sfidon në Shkodër, Brdaric: I vlerësojmë maksimalisht, mund të kemi rotacion

15 Janar, 13:40