POP 5

Lajmet më të lexuara të 5 minutave të fundit

Sport

'Jam i shumë i zhgënjyer', te Kukësi aludojnë për gabime të qëllimshme! Presidenti i Tiranës: Do bëjmë 2-3 blerje në merkato (VIDEO)

Te Kukësi janë të mërzitur dhe aludojnë se goli i anuluar kundër Tiranës mund të jetë edhe i qëllimshëm. Ndërkohë në kampin e kampionëve në fuqi janë të lumtur me pikën e fituar, ndërsa presidenti Halili premton se në merkato do të afrojë 2-3 lojtarë.

Supersfida e javës së 10 të Superligës mes Kukësit dhe Tiranës u mbyll me rezultatin 0-0, po në fund pati shumë polemika për një gol të anuluar për verilindorët. Vetë futbollisti që e realizoi, Eze, por edhe trajneri Gega ishin të mërzitur.

Eze, futbollist i Kukësit: “Nuk jam aspak i lumtur, jam shumë i zhgënjyer. Ai gol nuk ishte offside, pash videon dhe ishte gol i rregullt. Nuk di çfarë të them, vërtet nuk e di. S’e kuptoj përse u anulua goli.”

Skënder Gega, trajneri i Kukësit: “E rëndësishme është të jetë gabim njerëzor. Kjo është e rëndësishme sepse duhet të jemi ‘fair play’. Asnjë sështë i pagabueshëm, por ne kjo na dëmtoi. E vështirë t’i bësh gol Tiranës, por gjithashtu e vështirë t’i bësh çdo ekipi gol.”

Ndërkohë në kampin kundërshtar, te Tirana, ishin të kënaqur me një pikë.

Idriz Batha, futbollist i Tiranës: “Nga mënyra se si u bë loja dhe nga mundësitë që kishim, duke parë lojtarët që nuk kishim në dispozicion ishte një pikë e kënaqshme deri diku për ne.

Nevil Dede, trajner i Tiranës: “Skuadra ishte e pozicionuar mirë, ishte e fortë, por në moment të caktuara kishte paqartësi në mbajtjen e topit na solli probleme siç ishte tranversa apo dalja me 2-3 topa të gjatë.”

Presidenti i kampionëve në fuqi, Refik Halili, në përfundim të ndeshjes deklaroi se ekipi ka nevojë për ndërhyrje në merkato.

Sinkron Refik Halili, president i Tiranës: “Unë kam besim te e gjithë skuadra, por duhen edhe disa lojtarë më shumë. Duhen dy tre përforcime dhe do t’i bëjmë. Po flasim për futbollistë që janë jashtë Shqipërie.”

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57