'Jam në humor të mirë gati për të rimarrë detyrën', Biden sërish në krye të SHBA, vetëm pak orë pasi i kaloi kompetencat zv.presidentes Kamala Harris

'Jam në humor të mirë gati për të rimarrë detyrën', Biden sërish në krye të SHBA, vetëm pak orë pasi i kaloi kompetencat zv.presidentes Kamala Harris

Joe Biden dhe Kamala Harris

Shtëpia e Bardhë njoftoi të premten se Presidenti Joe Biden ka rifilluar punën sërish pas një vizite mjekësore që zhvilloi më herët gjatë ditës, çka bazuar në Kushtetutë, i kërkon atij të transferojë kompetencat tek nënpresidenti Kamala Harris.

Biden, i cili mbush 79 vjeç të shtunën, mbërriti të premten në mëngjes në Qendrën Mjekësore Walter Reed për t'iu nënshtruar kontrollit shëndetësor. Është rutinë që një zëvendës president të marrë pushtetin presidencial ndërsa presidenti i nënshtrohet një procedure mjekësore që kërkon anestezi.

Në një deklaratë, Shtëpia e Bardhë tha se si pjesë e një vizite rutinë mjekësore, presidenti kreu një kolonoskopi, gjatë së cilës do të qëndronte pa ndjenja për një kohë të shkurtër për shkak të anestezisë. Kushtetuta, kërkon që ai t'i transferojë zyrtarisht kompetencat tek Nënpresidentja Kamala Harris.

Në një konferencë shtypi të premten, sekretarja e Shtypit e Shtëpisë së Bardhë, Jen Psaki tha se presidenti telefonoi zonjën Harris rreth orës 11:35 të paradites me orën lokale, për t'i bërë të ditur asaj se vizita kishte përfunduar dhe se ishte me humor të mirë e gati për të marrë detyrën.

Zonja Psaki tha se ekipi mjekësor po përgatiste një përmbledhje me shkrim mbi shëndetin e presidentit, që do të publikohet në media më vonë gjatë ditës së premte.

Kjo është vizita e parë mjekësore e rregullt që zoti Biden kryen në detyrën e Presidentit. Vizita u krye në Qendrën Mjekësore Ushtarake Kombëtare Walter Reed, që ndodhet në Bethesda të shtetit të Merilendit.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 21/11/2021 02:16

    Fakt humoristik i dhene nga Don Lemon (CNN):Trump kur beri colonoskopine,kur ishte president e beri pa anestezi,se nuk pranonte t'ia dorezonte pushtetin,per aq kohe sa zgjaste procedura, zevendesit,z.Pence.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet