GREQI – Policia e Janinës ka shkatërruar një bandë të shpërndarjes së heroinë dhe kokainës në këtë qytet.

Gjatë aksionit u arrestuan 8 persona, mes tyre një shqiptar 33-vjeçar, që sipas policisë konsiderohet si drejtuesi i grupit kriminal. Shtatë personat e tjerë të arrestuar janë shtetas të huaj, mes të cilëve pesë burra dhe dy gra të moshave nga 30-54 vjeç.

Arrestimi i bandës u bë pas hetimeve disa javore të policisë së Janinës, e cila sekuestroi 1 kilogramë heroinë dhe disa doza kokaine e heroine të ambalazhuara gati për t’u shitur, një shumë parash prej 955 Euro, 17 celularë dhe një makinë që përdorej nga anëtarët e rrjetit për të shpërndarë lëndët narkotike në këtë rajon.

Të arrestuarit do të hetohen nga Prokuroria e Janinës për shpërndarje të lëndëve narkotike.

heroine kokaine janine


heroine kokaine janine




(v.gj/shqiptarja.com)