Receta

Japrak me gjethe rrushi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 13 Maj 2022, 13:46 | Përditesimi: 13 Maj 2022, 13:48

Japrak me gjethe rrushi

Përbërësit:

1 kg qepë të njoma

LEXO EDHE:
Pulë me oriz në furrë nga zonja Albana

100 gr oriz

250 ml ujë

100 gr kopër

150 gr nenexhik

100 gr kumbulla shahine

300 gr jeshillëqe

Vaj ulliri

Kripë, piper

Gjethe rrushi

Përgatitja:

Qepët e njoma i grijmë imët se bashku me bimët aromatike dhe jeshillëqet. Orizin e kemi zjerë për 8 minuta dhe më pas e kemi shpëlarë. E lemë të kullojmë derisa të mos ketë fare ujë. E shtojmë orizin tek masa e jeshillëqeve, rregullojmë shijen me kripë, piper dhe vaj ulliri.

Gjethet e rrushit i kemi kaluar për 2-3 minuta në ujë të vluar dhe i hapim që të mos ngjiten me njëra tjetrën. Mbushim japrakët dhe i vendosim në një tenxhere ku kemi vendosur si bazë disa gjethe rrushi të thata. Pasi kemi vendosur shtresat e japrakut vendosim kumbullat jeshile, shtojmë ujë të vakët dhe vaj ulliri. Vendosim një pjatë sipër dhe i lemë japrakët të ziejnë në temperaturë të ulët.