Receta

Japrak tradicional me gjethe rrushi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 25 Prill, 11:56 | Përditesimi: 25 Prill, 11:58

Japrak me gjethe rrushi

Përbërësit:

40-50 gjethe rrushi
10 qepë të njoma
2-3 hudhra të njoma
3-4 tufa të vogla jeshillëqe
1 fç oriz
Bimë aromatike
Kripë, piper i zi
Vaj ulliri

Përgatitja:

LEXO EDHE:
Kulaç i ngrohtë e i përsosur me djathë nga zonja Albana

Pasi i lajmë mirë barishtet dhe i lëmë të kullojnë, shpëlajmë orizin dhe e lëmë pak në ujë të nxehtë me limon. E kullojmë dhe vijojmë me prerjen hollë të bishtave të qepëve, labotin, pazin, spinaqin, hudhrat e njoma, erëzat, koper, majdanoz, nenexhik. Në një tigan kaurdisim me pak vaj kokat e bardha të qepëve të njoma. Të gjitha erëzat dhe barishtet e prera i vendosim në një tas, shtojmë 1 lugë kafeje kripë dhe i shtypim me duar derisa ato të ulin volumin. Shtojmë qepën e skuqur, orizin dhe 2-3 lugë vaj ulliri. Vendosim në dërrasën e punës një gjethe rrushi nga ana që shkëlqimi i gjethes të jetë nga poshtë. Vendosim një lugë gjelle mbushje dhe mbledhim fillimisht pjesët anësore e më pas e bëjmë gjethen role. Kështu vazhdojmë me të gjitha gjethet. Vendosim 3-4 gjethe në fund të tenxheres, e më pas japrakët njëra pas tjetrës. I spërkatim me vaj dhe shtojmë ujë të nxehtë, baraz me nivelin e japrakëve. Vendosim një pjatë mbi to dhe i lëmë të gatuhen në temperaturë mesatare fillimisht për 20 minuta, ulim temperaturën nën mesatare dhe i lëmë dhe për 20 minuta të tjera. I shërbejmë pasi të jenë të vakta dhe të kenë pushuar pak, shoqëruar me kos ose dhallë.

MC/Shqiptarja.com

TAG: