POP 5

Lajmet më të lexuara të 5 minutave të fundit

Sport

Jashari 'ëngjëll dhe djall', Kosova mposht me vështirësi Lituaninë! UEFA nis hetim për ndeshjen në Bukuresht

Një gol i Muharrem Jasharit, i cili rezultoi “engjëll dhe djall” për shkak të kartonit të kuq, i dha fitoren Kosovës kundër Lituanisë, duke siguruar edhe vendin e dytë në grup.

Jashari 'ëngjëll dhe djall', Kosova mposht me vështirësi Lituaninë! UEFA nis hetim për ndeshjen në Bukuresht

Kosova duke festuar golin kundër Lituanisë

Me shumë vështirësi, por Kosova ia ka dalë të fitojë ndeshjen e fundit në grupin e Ligës së Kombeve, duke mposhtur minimalisht 1-0 Lituaninë. Një ndeshje që u zhbllokua që në minutën e 5 nga Jashari, i cili realizoi golin e parë me fanellën e ‘dardanëve’, por që u vështirësua shumë për shkak se i njëjti autor u ndeshkua me karton të kuq në fundin e pjesës së parë.

“Për mua heronj janë të gjithë futbollistët e Kosovës, të cilët më ndihmuan në pjesën e dytë ku unë nuk isha në fushë dhe e patën një barrë shumë më të madhe,”-u shpreh Muharrem Jashari, futbollist i Kosovës.

“Besoj se kemi treguar karakter sepse nuk ishte një ndeshje e lehtë dhe sidomos pasi Muharrem Jashari u ndëshkua me karton të kuq,”-tha Mërgim Vojvoda, futbollist i Kosovës.

“Ishte shumë e rëndësishme që ta mbyllnim ciklin me fitore, sepse ishim para tifozëve tanë, që sonte sfiduan të ftohtin e madh,”-deklaroi Vedat Muriqi, futbollist i Kosovës.

Me këtë fitore Kosova blindoi vendin e dytë në grup me 12 pikë, po aq sa Rumania e vendit të parë, por që ende nuk ka një vendim për duelin e ndërprerë në Bukuresht 4 ditë më parë. Ai vendim do jetë përcaktues për fatet e këtij grupi, ndërsa UEFA ditën e sotme ka njoftuar se ka nisur një hetim për atë ndeshje ku dëgjoheshin thirrjet ‘serbi serbi’ dhe ‘Kosova është serbi’.

Shanset janë të mëdha që Kosova ta humbasë këtë ndeshje 3-0 në tavolinë, por përfaqësues të federatës së ‘dardanëve’ kanë premtuar se do t’i shkojnë kësaj çështje deri në fund, me apelim dhe deri në gjykatën e CAS.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27