POP 5

Lajmet më të lexuara të 5 minutave të fundit

Kronikë

Java e parë e 2020/ 37 aksidente rrugore, 6 viktima...Mbi 19 mijë gjoba, 243 patenta të pezulluara

Vetëm në 8 ditët e para të vitit 2020 janë regjistruar 37 aksidente ku për pasojë kanë humbur jetën 6 persona. Ky bilanc mbetet shqetësues pavarësisht se është më i ulët krahasuar me atë të një viti më parë.

TIRANE - 6 viktima në 37 aksidente rrugore, është ky bilanci i regjistruar në 8 ditët e para të vitit të ri 2020. Pavarësisht se ka një ulje të numrit të viktimave krahasuar me një vit më parë, ku në 8 ditët e para u regjistruan 8 viktima nga 40 aksidente, ky bilanc vijon të mbetet shqetësues.”

Krahas jetëve të humbura këto 8 ditë si pasojë e aksidenteve rrugore në të gjithë vendin janë regjistruar 34 të plagosur lehtë edhe 3 të plagosur rëndë.

Në 20% të rasteve faktor i regjistrimit të aksidenteve është bërë sjellja e këmbësorëve ndërsa 80% ka ardhur nga shkelja e rregullave të qarkullimit nga ana drejtuesve të automjeteve që konsiston në shpejtësi tej normave të lejuara , përdorim i alkoolit, manovrat e gabuara si dhe shpërqendrimi i shoferëve nga përdorimi i celularit.

Paçka se Policia Rrugore ka shtuar masat me grupe të shumta kontrolli në akset kyçe të vendit në vetëm 8 ditët e para të vitit janë ndërmarrë 19.200 gjoba, prej të cilave janë ndëshkuar 899 raste për tejkalim të normave të shpejtësisë 88 raste të përdorimit të alkoolit teksa janë pezulluar 245 leje drejtimi. Gjithashtu nuk kanë munguar as arrestimet ku 63 shoferë kanë rënë në prangat e policisë për shkelje të kodit rrugor .

Pjesë e planit të masave të shtuara nga Policia Rrugore është edhe Radari “TruCam”, një radar shumë më i sofistikuar që nuk mund të manipulohet pasi nëpërmjet tij ofrohet rikthimi i videos në momentin e shkeljes.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28