Java e sipërmarrjes ka mbledhur në Shkodër të gjithë aktorët kryesorë të qeverisë shqiptare, institucioneve financuese, bashkisë Shkodër dhe biznesin.  Të pranishmit kanë ndarë vizionin e tyre për zhvillimin e Shkodrës, si qëndër e zhvillimit rajonal të vendit.

Kryetari i Bashkisë Shkodër Benet Beci në fjalën e tij, vuri theksin tek investimet që po bëhen në Shkodër por dhe tek mbështetja që për herë të parë bashkia Shkodër do të bejë për sipërmarrjet e reja dhe të rinjtë.

Drejtori i Fondit Shqiptar të Zhvillimit, Dritan Agolli ka renditur disa prej investimeve që kanë nisur në Shkodër, duke ndarë edhe lajmin e lidhjes së kontratës për lotin e dytë të rrugës së Dukagjinit.

Ministrja e shtetit për Sipërmarrjen Delina Ibrahimaj, dhe Ministrja e Shtetit për marrëdhëniet me parlamentin´Elisa Spiropali, ndanë me të pranishmit vizionin e qeverisë shqiptare për mbështetjen e bizenesit e në mënyrë të vecantë mbështetjen e qeverisë ndaj Shkodrës.

Shkodra është kthyer në vëmendjen e investimeve, si një moment i rëndësishëm për zhvillimet në infrastrukturë, motorr ekonomik nëpërmjet turizmit por edhe projektet që po harton bashkia Shkodër për Urën e Bahçallekut, hyrjen e Shkodrës që është në fazë tendérimi, rrugën e dukagjinit, rrugën Shëngjin – Velipojë dhe rrugën Shirokë – Zogaj ku pritet të nisë puna.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Janar, 20:34

    15 vite nga ‘21 janari’, kush mendoni se urdhëroi për të qëlluar qytetarët?

Lajme të tjera