‘Jemi me një këmbë në Europë’, Olsi Rama: Hoxha të ardhmen do e ketë te Partizani

Drejtori i Partizanit Olsi Rama pas ndeshjes me Luftëtarin ku të kuqtë shpartalluan 8-1 gjirokastritët ka folur për mediat duke prekur disa çështje si periudha e keqe e skuadrës, objektivi për sezonin, por edhe për rinovimet. Mbi të gjitha për kapitenin Alban Hoxha, për të cilin flitet se pas 7 sezonesh mund të kalojë te Tirana, rivali më i madh i Partizanit.

“Luajtëm të përqendruar, luajtëm që në fillim të vendosur, edhe morëm një fitore të merituar. Deri tani është një sezon zhgënjyes për ne. E filluam mirë me fitimin e Superkupës dhe nuk kemi ecur ashtu siç duhet të ecnim në fazën e tretë dhe të katërt. Do të bëjmë çmos në ndeshjet që vijnë, për të arritur rezultatet maksimale.”

Europa: “Kemi 41 pikë tani dhe jemi me një këmbë në Europë. Por duhet të mendojmë gjithmonë ndeshjen e radhës. Ndeshjet janë të ngarkuar psikologjikisht, lojtarët vijnë nga një sezon atipik, ku kanë qëndruar afro 2 muaj në shtëpi. Që të gjesh përsëri një sezon të mirë si skuadër, do të duhet një kohë më e gjatë. Duhet të vlerësojmë çdo ndeshje që mos përzihemi në ujërat e pista. Synimi jonë është ndeshja e radhës, që është ajo me Flamurtarin.”

Rinovimet: “Për rinovimet sigurisht që kemi menduar, po punojmë me stafin teknik. Kemi menduar për të gjithë lojtarët që kemi në skuadër. I kemi folur hapur të gjitha gjërat si në një familje. U kemi thënë pakënaqësitë dhe detyrat që duhet të kenë. Që të gjithë e dinë, që këto ndeshje janë ndeshje që duhet të tregojnë edhe vlerat morale, që të meritojnë të jenë pjesë e rindërtimit të Partizanit.”

Alban Hoxha: “Albani është lojtari më i vjetër i ekipit. Pa diskutim është pjesë e planeve tona për të vazhduar më tej. U kam thënë lojtarëve që kanë kontratë që edhe për ata 2 muajt e ardhshme janë vendimtarë për të ardhmen. Janë marrëdhënie burrnore. Duke u bazuar jo vetëm te kontrata, por edhe te respekti reciprok. Alban Hoxhën unë e kam parë edhe të Kombëtarja, te Tirana nuk e di. Unë mendoj që Alban Hoxha të ardhmen do e ketë te Partizani.”

 

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Vaksinim administratës e punonjësve të qendrave tregtare deri më 31 dhjetor dhe dozë e tretë për mbi 18-vjeçarët! Jeni dakord me vendimet e Komitetit?



×

Lajmi i fundit

John

Ekskluzive/ Apartamentet dhe paratë e Gaz Bardhit, Gjekmarkajt, Baftjar Zeqajt, Luljeta Bozos dhe Flutura Açkës! Belind Këlliçi pa shtëpi