Jep dorëheqjen ambasadori britanik në SHBA. Akuzoi Presidentin e SHBA si i ngathët, i pasigurtë dhe i paaftë

Ambasadori britanik në Shtetet e Bashkuara, Kim Darroch, njoftoi  dorëheqjen, duke shtuar se e kishte të pamundur të vazhdonte rolin e tij pas rrjedhjes së informacionit të kabllogrameve diplomatike në të cilat ai kritikonte Presidentin amerikan Donald Trump.

"Edhe pse mandati im nuk përfundon deri në fund të këtij viti, besoj se në rrethanat aktuale qëndrimi i përgjegjshëm do të ishte lejimi i emërimit të një ambasadori të ri", tha zoti Darroch në një deklaratë.

Kim Darroch ka qenë diplomati kryesor i Britanisë në Uashington që prej vitit 2016.

Sipas kabllogrameve të bëra tashmë publike zoti Darroch e karakterizonte Presidentit Trump si një udhëheqës "të ngathët", "të pasigurtë" e "të paaftë" dhe administratën e tij si "jofunksionale".

Pas publikimi të tyre Presidenti Trump reagoi me një postim në Twitter duke e quajtur zotin Darroch "shumë budalla" dhe një "një njeri të trashë e pompoz". Ai shkruante gjithashtu se "nuk do të merrej më" me të.

Kabllogramet e publikuara, u dërgoheshin ministrave të lartë britanikë dhe nëpunësve civilë, por zyrtarët besojnë se personi që ia ka dhënë ato shtypit, është politikan apo zyrtar britanik dhe nuk i takon një qeverie të huaj.

TAG:
• Trump
• Kim Darroch