Jep dorëheqjen nënkryetari i Bashkisë Durrës, kandidon për deputet në listën e koalicionit opozitar

Nënkryetari i bashkisë Durrës, Florian Tahiri, ka dhënë dorëheqjen nga posti për të kandiduar për deputet në zgjedhjet parlamentare të 25 prillit, në listën e koalicionit opozitar.

Si përfaqësues i PDIU, Tahiri do të përfshihet në listën e kandidatëve të koalicionit “Aleanca për ndryshim”. Ai thotë se oferta i është bërë nga PDIU dhe e ka pranuar pasi nuk heq dorë nga çështja çame duke qenë dhe kryetar i Shoqatës Çamëria për Durrësin.

"Ishte ofertë nga PDIU, nuk heq dorë nga çështja çame prandaj pranova", thotë Tahiri.

LEXO EDHE:
DOKUMENTI/ Gjykata Kushtetuese zbardh vendimin: Pse u rrëzua kërkesa e Berishës për masën 'detyrim paraqitjeje'

I emëruar në bashki në shkurt të vitit 2016, Florian Tahiri, erdhi në këtë post nga radhët e PDIU-së, forcë politike në të cilën aderon prej vitesh. Me rreshtimin e tij përkrah të djathtës shqiptare, Tahiri synon që bashkë me ekipin e kandidatëve të tjerë në listë për deputetë të japë kontribut për fitoren e PD-së në qarkun ku 4 vite më parë forca më e madhe opozitare regjistroi një humbje historike. 

Ora 24:00 e ditës së sotme është afati i fundit që kanë partitë politike për të zbuluar emrat e kandidatëve me të cilët do të garojnë në zgjedhjet e 25 prillit në 12 qarqet e vendit. Deri më tani kanëdorëzuar listat në KQZ, kryetarja e Lëvizjes për Ndryshim jozefina Topalli dhe kryetarja e LSI monika Kryemadhi.

TAG:
• PD
• PDIU
• bashkia durres
• florian tahiri
• zgjedhjet parlamentare 2021
• lista e kandidateve
• aleanca per ndryshim

Sondazhi i ditës:

Çfarë prisni në vitin 2025?

• Punë

  8.4%

• Shëndet

  73.3%

• Mirëqënia

  18.4%

Vota total: 419

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia