POP 5

Lajmet më të lexuara të 5 minutave të fundit

Sociale

Jeta e naftëtarit në godinën e një ish kantieri: Mbaj 5 frymë me bukë, shpresat i kam pasur tek uzina e Ballshit

Report Tv ishte në shtëpinë e një prej naftëtarëve të uzinës së Ballshit. Gjendja ekonomike e familjes së Alban Mucajt sa vjen dhe përkeqësohet. Naftëtari investoi 20 vite të jetës së tij në këtë uzinë dhe kërkon që të marrë vetëm pagat prapambetura. 

FIER- Ky është Alban Mucaj, me profesion naftëtar.  Kur e nisi me pasion këtë punë nuk e mendoi se do vinte një ditë që do i kërcënonte mbijetesën e tij dhe të familjes. Përkeqësimi i gjendjes ekonomike nisi para një viti kur iu ndërpre paga nga uzina e rafinerisë së Ballshit,- thotë Muçaj.

“Mbaj 5 frymë me bukë. Ku kam të ardhura të tjera”, tha  naftëtari, Alban Muçaj

Bashkë më gruan e papunë dhe tre fëmijët jeton në këtë godinë të cilën e ka kthyer në shtëpi. Më herët ka qene një ambient pune për një kantier.

“Gjendja e ekonomisë hëëëë… Gjendja e ekonomisë së familjes sime sa vjen e mbi rrënohet. Të tërë shpresat i kemi pasur tek uzina e Ballshit “, shtoi ai.

Përveçse nuk ka asnjë dokument për banesën rrezikon edhe të shembet.

“Ja dha gurit u ça. Ja dha lisit u ça. Ja dha njeriut duroi. Me shumë shumë sakrifica. Kam dy vajza të vogla, djalin. Gruan e kam pa punë. Vetë pa punë.  Siç e shikoni këto janë gati për të rënë dhe për të na zënë brenda mua dhe fëmijët”, tregoi Muçaj.

Protestat dhe grevën e urisë e sheh si një vendim të drejtë pasi kërkon të marrë vetëm paratë që i detyrohet uzina ku investoi 20 vite të jetës së tij.

 

“20 vjet për 21 vjet. Më punëtori i uzinës. Me të ardhurat e uzinës mbaja familjen time. Gjithmonë uzina e Ballshit ka pasur problem”, shtoi ai.

Të njëjtën gjendje të vështirë po kalojnë edhe 800 punëtorë në uzinën e rafinerisë së Ballshit.

Godina ku jeton naftëtari Alban Mucaj
 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53