Lee Watchtsetter  është 86 vjeçarja nga Florida e cila ka udhëtuar 89 herë me kroçierë gjatë  martesës së saj 50-vjeçare. Pasi bashkëshorti ndërroi jetë nga sëmundja e kancerit në vitin 1997, ajo i kishte premtuar se do të vijonte traditën e udhëtimeve. Por  në të vërtetë e moshuara ka bërë shumë më tepër  sepse rreth 7 vjet më parë ka shitur shtëpinë e saj në Fort Lauderdale dhe jeton në anijen Crystal Serenity.

gjyshja ne krociere

Për vitin 2015 ajo mendon të harxhojë 164 mijë dollarë për ushqim dhe strehim,  madje edhe për kamarierët që e shërbejnë.  “Bashkështori im më ka mësuar të dashuroj kroçierat. Pas vdekjes së tij kam realizuar rreth 100 të tilla, ku 15 të tilla  kanë qenë rreth botës  dhe jetoj një jetë përrallash, pa strese,”-është shprehur 86 vjeçarja.

gjyshja ne krociere


Sipas saj vendet më të bukura për tu vizituar janë ato aziatike, pasi janë shumë ndryshe nga Amerika.  Ndonëse ajo nuk preferon të qëndrojë në tokë për të moshuarën duket se Stambolli bën përjashtimin. “Nuk mund ti rezistoj “Grand Bazaarit”, pasi aty mund të gjesh rroba të mrekullueshme, por detyrohem gjithnjë të përmbahem për shkak të vendit të limituar në kabinë,“-vijoi Lee Watchtsetter.

gjyshja ne krociere

E vetmja gjë që i mungon 86-vjeçares është familja e saj, ndonëse nëpërmjet kompjuterit  qëndron të kontakt të përditshëm me 3 fëmijët dhe nipërit e saj si dhe i takon sa herë anija kalon në Majemi.


gjyshja ne krociere

Redaksia Online
(xh.k/shqiptarja.com)