POP 5

Lajmet më të lexuara të 5 minutave të fundit

Media

Jo thjesht një titull më shumë

Një vit nuk është shumë në jetën e një gazete. Por është gjithsesi një kohë e mjaftueshme për të parë nëse ajo do të jetë thjesht një zë më shumë në korin kakofonik të shtypit tonë, apo do të jetë një zë i veçantë në këtë skenë të zhurmshme.
Një vit nuk është shumë në jetën e një gazete. Por është gjithsesi një kohë e mjaftueshme për të parë nëse ajo do të jetë thjesht një zë më shumë në korin kakofonik të shtypit tonë, apo do të jetë një zë i veçantë në këtë skenë të zhurmshme.

Një vit që nga numri i saj i parë "Shqiptarja.com" ka mundur jo vetëm të mbijetojë duke përballuar darvinizmin mediatik të një tregu pa rregulla ( në fakt më keq se kaq, me rregulla të deformuara), por edhe të shfaqet si një profil i ri në ansamblin pluralist të shtypit tonë të shkruar. Me "Shqiptarja.com" nuk kemi regjistruar thjesht një titull më shumë në listën e gjatë të të përditshmeve shqiptare, por kemi njohur një zë kritik që as nuk korrupton dhe as nuk korruptohet, një zë që besoj se flet duke iu bindur vetvetes dhe jo pronarit apo pronarit të pronarit.

Shqiptarja.com, me grupin e gazetarëve të saj të rinj dhe të pasionuar, ka mundur të kapërcejë suksesshëm sfidën e mbijetesës së vitit të parë, por rruga është më e gjatë se kaq. Të refuzosh të vihesh në rresht është shumë, por nuk mjafton. Dilemat e zgjedhjes ndërmjet partizanizmit dhe profesionalizmit, ndërmjet tabloides dhe seriozes, ndërmjet klientelizmit dhe pavarësisë janë sfida më afatgjata dhe ndoshta edhe më të vështira.

Atëherë kur mendonim se në skenën e shtypit të shkruar nuk kishte më vend për aktorë të rinj, u shfaq Shqiptarja.com për të na kujtuar se ka gjithnjë ka vend për aktorë të rinj, por jo gjithnjë ka vend për aktorë të njëjtë.

(Gre.M/Shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Itali/ U prangos për shitje kokaine, shqiptari thyen arrestin shtëpiak një ditë pas masës së Gjykatës! Kapet te shtëpia e një gruaje

Itali/ U prangos për shitje kokaine, shqiptari thyen arrestin shtëpiak një ditë pas masës së Gjykatës! Kapet te shtëpia e një gruaje

29 Janar, 08:38