Jo vetëm “Rama ik”, cila ishte parulla tjetër që tifozët shpalosën në ndeshjen Shqipëri-Francë (FOTO-VIDEO)

Në ndeshjen Shqipëri – Francë për kualifikime Euro 2020,(që u mbyll me rezultatin 0:2) e cila u luajt mbrëmjen e djeshme, përveç inaugurimit të stadiumit të ri, ajo që ra në sy ishin edhe disa parulla që tifozët shpalosën.

Në një nga parullat e shpalosura nga disa prej tifozëve në stadiumin e ri “Air Albania”, ishte “Rama ik”, slogan ky i opozitës jashtë parlamentare, ku për pak momente u shoqërua edhe me thirrje në kor. 

Po ashtu, një parullë tjetër kishte të bënte me Kosovën, ku tifozët shkruanin “Hands off Kosovo”, që do të thotë: Larg duart nga Kosova.

Nuk dihet specifikisht se kujt i drejtohej kjo parullë, megjithatë duket se ka të bëjë me debatin e madh për marrëveshjen mes Kosovës dhe Serbisë, ku opozita shqiptare ka hedhur akuza ndaj Ramës, Vuçiç dhe Thaçit për një marrëveshje të fshehtë për shkëmbime territoresh mes dy vendeve.

Megjithatë, fituesi i zgjedhjeve të fundit parlamentare në Kosovë, Albin Kurti, pas një takimi me kryeministrin shqiptar pak ditë më parë, deklaroi se Rama ishte kundër ndryshimit të kufijve.

Parula e tifozëve kuq e zi

Video me kore "Rama ik"

TAG:
• edi rama
• air albania stadium