POP 5

Lajmet më të lexuara të 5 minutave të fundit

Bota

Joe Biden kërkon koordinim për pandeminë, përndryshe shumë persona mund të humbin jetën, Trump krenar për vaksinën e Moderna 

Refuzimi i Trump për të pranuar rezultatin e zgjedhjeve presidenciale dhe për fillimin e procedurave të transferimit të pushtetit, do të shkaktojë më shumë viktima nga Covid-19, është shprehur kështu presidenti i zgjedhur Joe Biden. Ndërkohë që Anthony Fauci është shprehur se vaksinimi masiv mund të fillojë në Prill të 2021.

"Më shumë njerëz do të vdesin nëse nuk koordinohemi. Si mund të vaksinohen më shumë se 300 milionë amerikanë. Cili është plani? Është një ndërmarrje shumë e madhe. Nëse do të presim deri në 20 janar që të nis planifikimi, mbetemi mbrapa më shumë se një muaj e gjysmë. Prandaj është e rëndësishme që koordinimi të nis tani”, është shprehur kështu presidenti i zgjedhur i SHBA, Joe Biden, në lidhje me krizën e shkaktuar nga Covid-19 dhe refuzimin e presidentit aktual Donald Trump për të pranuar rezultatin e zgjedhjeve presidenciale të 3 Nëntorit.

Situata nga COVID-19 është shqetësuese në Shtetet e Bashkuara të Amerikës, ku më shumë se 11 milionë persona janë të infektuar dhe pothuajse 250 000 të tjerë kanë humbur jetën që nga fillimi i pandemisë.

Presidenti Trump, tanimë i fokusuar më shumë në rinumërimin e votave dhe akuzave të shumta për manipulim, ka reaguar dje në rrjetet sociale për vaksinën e Moderna.

"Një tjetër vaksinë u bë me dije, këtë herë është Moderna, 95% efektive. Për "historianët" e mëdhenj, ju lutem mos harroni se këto zbulime të mëdha, të cilat do t'i japin fund Murtajës së Kinës, të gjitha ndodhën nën vëzhgimin tim! "

Pas zbulimit të djeshëm ka reaguar edhe Anthony Fauci, i cili është shprehur se në fund të Dhjetorit mund të fillohet me vaksinimin e një pjesë të cilët kanë më shumë prioritet siç janë personeli shëndetësor, të moshuarit apo dhe personat në kushte të caktuara mjekësore, ndërkohë që të gjithë të tjerët do të fillojnë të vaksinohen nga fundi i prillit.

Ndërkohë, në të gjitha shtetet amerikane kufizimet COVID-19 po ashpërsohen përpara festës së Falënderimeve.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • fred: 17/11/2020 09:36

    ik o bastard, e dime shume mire cfar do ti , ti do planin e elites GREAT RESET, ja cfar do ti prandaj do pushtet sot, bej durim do vij rradha dhe per ty

    Përgjigju
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52