Joe Biden zgjedh Kamala Harris si kandidate për zv. presidente të SHBA-së

Kandidati demokrat për president në Shtetet e Bashkuara të Amerikës, Joe Biden, deklaroi mbrëmjen e së martës se senatorja me ngjyrë, Kamala Harris do të jetë zëvendësja e tij nëse ai zgjidhet president. Në fjalën e tij Biden e cilësoi si një nder të madh nominimin si kandidate për zëvendëspresidente të Harrisit, e cila prej kohësh është konsideruar si konsideruar si partnerja ideale për Biden.

Biden theksoi se ajo ka punuar ngushtë me të birin, Beau, kur ajo ishte kryeprokurore në Kaliforni, ndërsa theksoi se Harris është mbrojtëse  e madhe e të drejtave të grave dhe fëmijëve.

Biden në 3 nëntor do të përballet me presidentin aktual Donald Trump, i cili kërkon mandatin e dytë,  së bashku me zëvendëspresidentin Mike Pence.

Ish-kryeprokurorja e Kalifornisë, Kamala Harris ka qenë kritike e fortë e situatës në polici dhe me  ka kërkuar reformin të thellë, sidomos pas protestave që u nxitën nga vrasja e George Floyda.

Në një postim në Facebook ajo u shpreh e ngazëllyer nga nominimi dhe kujtoi faktin se frymëzimi kryesor i saj ka qenë aktivizmi për të drejtat e njerëzve me ngjyrë të viteve 60-të. Një grua me ngjyrë nuk ka qenë propozuar asnjëherë për një detyrë të tillë, ndërsa asnjëherë SHBA-të nuk janë drejtuar nga një grua.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gjermania e kishte shpallur në kërkim ndërkombëtar për mashtrim, kosovari arrestohet teksa po hynte në Shqipëri

Gjermania e kishte shpallur në kërkim ndërkombëtar për mashtrim, kosovari arrestohet teksa po hynte në Shqipëri