Johnson i mbijeton mocionit të mosbesimit nga Partia e tij! 40% e deputetëve votojnë kundër kryeministrit britanik

Johnson i mbijeton mocionit të mosbesimit! 40% e deputetëve votuan kundër kryeministrit britanik

Kryeministri britanik Boris Johnson arriti t’i mbijetojë një mocioni mosbesimi nga Partia e tij Konservatore, duke siguruar mbështetje të mjaftueshme në partinë e tij për të qëndruar në detyrë pavarësisht revoltës së zemëruar brenda konservatorëve të partisë së tij që ka të ngjarë ta dobësojë atë si udhëheqës dhe të ngjallë pasiguri për të ardhmen e tij.

Ai e fitoi votëbesimin me 211 vota pro dhe 148 vota kundër.

Kjo do të thotë se më shumë se 40% e deputetëve konservatorë votuan kundër Johnson.

Johnson ishte përballur me muaj të tërë me vështirësi për të lënë pas skandalet për shkeljen e rregullave, në veçanti për festat në godinat qeveritare gjatë masave izoluese për COVID-19.

Ai fitoi mbështetjen e 211 prej 359 ligjvënësve konservatorë, më shumë se shumica e thjeshtë e nevojshme prej 180 votash për të mbetur në pushtet, por gjithsesi numri i atyre që votuar për ta rrëzuar, 148 ligjvënës, ishte i konsiderueshëm.

Lajmi kryesor:

Kryeministri britanik Boris Johnson përballet me votë mosbesimi nga partia e tij

G.MO/Shqiptarja.com

TAG:
• Mbreteria e Bashkuar
• Boris Johnson
• Britani e Madhe