Kryeministri i Mbretërisë së Bashkuar, Boris Johnson do të parashtrojë një plan veprimi me gjashtë pika për luftën Rusi-Ukrainë gjatë takimeve me liderët kanadezë, holandez dhe të Evropës Qendrore javën e ardhshme.

Johnson do t'u tregojë homologëve të tij se ata duhet të bashkohen sipas planit të tij për të siguruar që presidenti rus Vladimir Putin "të dështojë në ambicien e tij".

Plani i Johnson u bën thirrje vendeve të mobilizojnë "një koalicion ndërkombëtar humanitar për Ukrainën, të mbështesin Ukrainën në përpjekjet e saj për të siguruar vetëmbrojtje të saj dhe për të maksimizuar presionin ekonomik ndaj Rusisë së Putinit".

Sipas ‘Downing Street’, plani u bën thirrje partnerëve të Mbretërisë së Bashkuar të "parandalojnë atë që po bën Rusia në Ukrainë, të ndjekin rrugën diplomatike për de-përshkallëzimin e situatës, por vetëm në bazë të pjesëmarrjes së plotë të qeverisë legjitime të Ukrainës dhe të fillojë një fushatë të shpejtë për të forcuar sigurinë dhe qëndrueshmërinë në të gjithë zonën euro-atlantike."

“Putini duhet të dështojë dhe duhet të shihet se dështon në këtë akt agresioni”, thuhet në njoftim. “Nuk mjafton të shprehim mbështetjen tonë për rendin ndërkombëtar të bazuar në rregulla, ne duhet ta mbrojmë atë kundër një përpjekjeje të vazhdueshme për të rishkruar rregullat me forcë ushtarake.”


Lajmi kryesor:

Lufta në Ukrainë/ Izraeli vetëofrohet negociator mes Kievit dhe Moskës! Kryeministri Bennett 3 orë me Putin, 90 minuta me Scholz! Të hënën raundi i tretë i bisedimeve! Në Mariupol situatë katastrofike