Çarje mes dy pallateve? Drejtori i Institutit të Ndërtimit: Janë fuga sizmike, mos u shqetësoni

Kryeministri Edi Rama qetësoi sot qytetarët se nëse në pallatin ku banojnë ka plasaritje, apo një çarje të mos shqetësohen se bëhet fjalë për një fugë sizmike, e përcaktuar për raste të tilla dhe që tregon se ka funksionuar për atë që është ndërtuar. Për të qartësuar më saktë fugën sizmike, Report Tv ftoi në studio Agron Hysenlliun, drejtor i Institutit të Ndërtimit. Ai shpjegoi se fugat sizmike janë të çara që janë të pozicionuara në hapësirën midis dy objekteve fqinje për të realizuar vazhdimësi funksionale dhe qëndrueshmëri nga ana konstruktive. Ato janë të projektuara për lëvizje sizmike shumë dimensionale.

"Unë jam edhe vetë ndërtues. Unë objektet e mia i kam ndërtuar me fugë, ato lejojnë zhvendosjen e objektit në pavarësinë e tyre dhe nuk lejojnë përplasjen nëse janë afër. Këto fuga plasariten dhe nuk ka probleme. Fuga janë hapësira ndërmjet dy objekteve që lejojnë zhvendosjen. Fuga llogaritet mbi lartësinë e objektit, që të mos përplasen. Këto fuga kanë distancë të caktuar për lartësi të caktuar. Pra nuk ka asnjë problem strukturor" tha ai.

Më pas Agron Hysenlliu sqaroi edhe matjen e shkallës së dëmtimit, ndërsa këshilloi ku duhet të qëndrohet në shtëpi në rast tërmeti. "Në strukturat e objekteve, dallojmë nëse ka 1% dëmtim objekti, me plasaritje të vogla, pra jo në strukturë, por jo në suva. Rasti i dytë është mestar 0-3 dhe rasti i tretë 0-5. Kemi objekte elastike të ndërtuara me hekur. Ndërsa objektet e shtangta nuk mund të ndërtohen më shumë se gjashtë kate. Studimet janë të ndryshme. Strukturat më solide të objektit ku duhet të qëndrohet është poshtë traut, jo në soletë. Pra nuk të qëndrohet poshtë tavanit. Mund të qëndrosh edhe poshtë tavolinës".

Fugat sizmike

TAG:
• edi rama
• agron hysenlliu
• Termet i fuqishem ne Shqiperi