Julian Assange nuk do të ekstradohet në Shtetet e Bashkuara, të paktën për momentin. Kështu ka vendosur Gjykata e Lartë e Londrës që këtë mëngjes ka pranuar pjesërisht apelin e fundit të 52-vjeçarit australian për të shmangur transferimin në Amerikë, ku akuzohet me 18 pika akuzash dhe rrezikon, teorikisht, deri në 170 vite burg për marrjen dhe publikimin nga Wikileaks të dokumenteve konfidenciale të ushtrisë amerikane dhe të kabllogrameve diplomatike.
Gjykata ka vendosur që vendimi për ekstradim mund të rishikohet pjesërisht nga Gjykata e Lartë më 20 maj, përveç nëse Shtetet e Bashkuara nuk dëshmojnë qartë se aktivistit i garantohet "amendamenti i parë i Kushtetutës amerikane" dhe "mos-përdorimi i dënimit me vdekje".
Prokurorët amerikanë thonë se zoti Assange ndihmoi analisten e inteligjencës së ushtrisë amerikane, Chelsea Manning, të vidhte kabllogramet diplomatike dhe dosjet ushtarake që ‘WikiLeaks’ publikoi më vonë, duke vënë në rrezik jetët.
Për mbështetësit e tij, zoti Assange, me origjinë australiane, është një hero që zbuloi abuzimet e qeverisë me pushtetin duke bërë publike dokumente sekrete të diplomacisë dhe ushtrisë amerikane. Për kritikët e tij, ai është një kriminel që minoi sigurinë e Perëndimit dhe rrezikoi jetët e njerëzve në shumë vende duke zbuluar sekrete.
Problemet ligjore të Julian Assangit filluan në vitin 2010, kur ai u arrestua në Londër me kërkesë të Suedisë, e cila donte ta merrte në pyetje në lidhje me akuzat për përdhunim dhe sulm seksual të bëra nga dy gra. Në vitin 2012 ai shkeli rregullat e lirimit me kusht duke mos u paraqitur në gjykatë, e cila kishte vendosur të lejonte ekstradimin e tij në Suedi, dhe kërkoi strehë brenda Ambasadës Ekuadoriane në Londër, ku autoritetet britanike nuk kishin autoritet të ndërhynin.
“Nuk kërcënohet vetëm WikiLeaks, por rrezikohet edhe liria e shprehjes dhe shëndeti i të gjitha shoqërive tona”, tha ai në vitin 2012 duke iu drejtuar mbështetësve nga ballkoni i Ambasadës së Ekuadorit në Londër ku rrinte i izoluar.
Arrestimi i tij brenda Ambasadës së Ekuadorit në Londër u bë i mundur në prillin e vitit 2019 pasi u dëmtuan marrëdhëniet e tij me qeverinë ekuadoriane.
Në nëntor të vitit 2019 Suedia hoqi dorë përfundimisht nga hetimet për krimet seksuale sepse kishte kaluar shumë kohë. Ai tani përballet me 17 akuza nga Shtetet e Bashkuara për spiunazh për publikimin e dokumenteve të klasifikuara amerikane në faqen e tij të internetit, Wikileaks.
Julian Assange tani ndodhet në betejen e fundit ligjore për të shmangur ekstradimin në SHBA.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
BOKS/ Londra ‘vishet’ kuqezi, Alban Bermeta dhe Nelson Hysa fitojnë me ‘K.O.’
23 Nëntor, 15:25 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
