Juncker: Përpjekjet e Trump për të ndarë Evropën janë të kota, BE është e pandashme

Juncker e dha këtë mesazh në prag të udhëtimit të tij në Uashington Shefi i Komisionit Evropian, Jean-Claude Juncker, tha se përpjekjet e Shteteve të Bashkuara për të ndarë BE-në në tregti “janë të kota”. Juncker e dha këtë mesazh për presidentin amerikan, Donald Trump, në prag të udhëtimit të tij në Uashington, javën e ardhshme.

Në një konferencë për gazetarë në Bruksel, Juncker tha se do të përpiqet ta bindë Trumpin që t’i heqë tarifat mbi importet nga Evropa. “Bashkimi Evropian dhe tregu i tij i vetëm janë të pandashëm”, tha Juncker, i pyetur për ofertën e presidentit amerikan për marrëveshje dypalëshem, raporton rel. “Të gjitha përpjekjet për të ndarë evropianët janë të kota”, tha Juncker.

Trump ka vënë taksë 25% mbi importet e çelikut dhe 10% në alumin, në muajin mars, por ka bërë përjashtime të përkohshme për BE-në dhe disa partnerë të tjerë tregtarë, derisa bisedimet kanë vazhduar. Këto përjashtime janë hequr në fillim të qershorit, duke nxitur tarifa hakmarrëse nga BE-ja. Trump ka thënë se po shqyrton vendosjen e tarifave edhe mbi makinat evropiane.

LEXO EDHE:
Njëzet vjet pas zgjerimit të madh, BE-ja synon ta vazhdojë procesin

TAG:
• BE
• Trump
• Juncker

Sondazhi i ditës:

1 maji, a respektohen të drejtat e punëtorëve në Shqipëri?

• Po

  37.1%

• Jo

  15.6%

• Nuk e di

  47.3%

Vota total: 6016

• Sondazhi i ditës:

  1 maji, a respektohen të drejtat e punëtorëve në Shqipëri?

  Po Jo Nuk e di