POP 5

Lajmet më të lexuara të 5 minutave të fundit

Sport

Juventusi fiton për herë të 14-të kupën e Italisë, Liverpool kap Champions, edhe PSG ngre kupën (VIDEO)

Juventusi ka fituar për herë të 14-të në histori Kupën e Italisë. Bardhezinjtë mposhtën në finale 2-1 Atalantën dhe ngritën trofeun. PSG fitoi Kupën në Francë ndërsa Liverpuli kapi zonën Champions në Angli.

Juventusi ngre për herë të 14-të në histori Kupën e Italisë. Bardhezinjtë  mposhtën mbrëmjen e djeshme 2-1 Atalantën në “ Mapei Stadium” me praninë e më shumë se 4 mijë tifozëve  dhe fituan trofeun e dytë sezonal pas Superkupës. Ekipi i Andrea Pirlos kaloi në avantazh në minutën e 31-të me një gol të bukur të Kulusevski ndërsa Atalanta barazoi dhjetë minuta më vonë me ukrainasin Malinovsky që po ashtu realizoi supergol. Në pjesën e dytë golin e fitores e realizoi Chiesa dhe festa u takoi bardhezinjve e trishtimi bergamaskëve.Ronaldo e fiton për herë të parë këtë trofe ndërsa Buffon jep lamtumirën si fitues. Tashmë misioni i radhës dhe më i vështiri për Juventusin është kualifikimi në Champions që do të vendoset të dielën.

Edhe PSG-ja në Francë e ka fituar për herë të 14-të Kupën. Skuadra nga kryeqyteti mposhti 2-0 Monacon në finalen e zhvilluar në stadiumin “Saint-Denis”. Golat u shënuan nga një për çdo pjesë me autor Mauro Icardin dhe Kylian MBappe dhe festa i takoi PSG-së.

Me probleme të mëdha prej dëmtimeve por Liverpooli mund t’i bëjë mbylljen më të mirë sezonit duke u kualifikuar në Champions. The Reds mposhtën mbrëmë 3-0 në transfertë Burnley dhe ngjiten në vend të katërt duke parakaluar Leicester për shkak të golavarazhit. Nëse Liverpool do ta fitojë ndeshjen e fundit të dielën ndaj Crystal Palace do të jetë në Champions./ Përgatiti Andi Kapxhiu

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57