POP 5

Lajmet më të lexuara të 5 minutave të fundit

Sport

Juventusi ngre trofeun, Atalanta prek Champions-in, shpërfytyrohet Interi

Juventusi feston duke ngritur trofeun e titullit kampion ndërsa japin lamtumirën nga skuadra trajneri Alegri dhe mbrojtësi Barxalji. Juventus-Atalanta u mbyll 1-1 me bergamaskët  që prekin kalimin në Champions. Napoli shkatërroi Interin që rrezikon Championsin ndërkaq Milani fiton dhe shpreson.

Juventusi ngre trofeun, Atalanta prek Champions-in, shpërfytyrohet Interi

Në festën e Juventusit merr pjesë edhe Atalanta. Bardhezinjtë ngritën në qiellin e Torinos trofeun e titullit kampion në Serinë A dhe njëkohësisht erdhi lamtumira e trajnerit Max Allegri dhe mbrojtësi Andrea Barzagli. Juventus-Atalanta u mbyll 1-1 me bergamaskët që shënuan të parët me Ilicic ndërsa bardhezinjtë barazuan dhjetë minuta nga fundi me kroatin Mario Mandzukic. Të gjithë të lumtur në fund të takimit me Atalantën që është në vend të tretë dhe është më afër se kurrë kualifikimit historik në Champions mjafton të mposhtë Sassuolon në ndeshjen e fundit.

Interi u shpërfytyrua në “San Paolo” dhe rrezikon seriozisht kalimin  në Championsin e ardhshëm pavarësisht se fatin e ka sërish në dorë.Napoli pa ndonjë objektiv zhvilloi një superndeshje dhe e mposhti Interin 4-1. Zielinski, Mertens dhe dy herë Fabian Ruiz ishin autorët e golave për napoletanët ndërsa Icardi realizoi golin e nderit për Interin.66 pikë zikaltërit në vend të katërt vetëm një më shumë se Milani. Për të qënë të sigurt për kalimin në Champions duhet patjetër të mposhtin Empolin në javën e fundit.

Ndërkaq Milani mposhti jo pa vështirësi Frosinonen 2-0 dhe mban gjallë shanset për një vend në Champions edhe pse varet nga rezultatet e Interit dhe Atalantës. Donnaruma priti penallti ndërsa Piatek dhe Suso shënuan golat për skuadrën e Gattusos. Milani shkon në Champions nëse e fiton ndeshjen  ndaj Spal dhe një prej Interit ose Atalantës e barazon ndeshjen e fundit. /Përgatiti, Andi Kapxhiu/

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Meta në SPAK 2 orë e gjysëm, avokati Gjokutaj: U pyet vetëm për lobimin në SHBA! Kërkoi të flasë me gazetarët, por i thanë e pamundur

Meta në SPAK 2 orë e gjysëm, avokati Gjokutaj: U pyet vetëm për lobimin në SHBA! Kërkoi të flasë me gazetarët, por i thanë e pamundur

7 Janar, 13:24