Në një postim në rrjetin social Facebbok, Bregu shkruan se qëndrimi i opozitës nuk ka ndryshuar. Ajo thekson se meqënese strukturat tona ne procesin e integrimit janë ngritur sipas modelit kroat, edhe Këshilli Kombëtar duhet të jetë sipas atij modeli.
“Qëndrimin e opozitës fare qarte ia kam shkruar Ministres së Integrimit, në përgjigje të formatit lëmsh të propozuar nga qeveria për Këshillin Kombëtar të Integrimit.
Zgjidhni një standart e model evropian për funksionimin e këtij Keshilli. Meqënëse strukturat tona në procesin e integrimit janë ngritur sipas modelit kroat, edhe Këshilli Kombëtar le të jetë sipas atij modeli. Të drejtohet nga opozita, me nënkryetar nga maxhoranca e të jetë strukturë tërësisht parlamentare për të siguruar kontrollin parlamentar ndaj qeverisë në këtë proces, por edhe sepse është dëshmi e gjithpërfshirjes aq të domosdoshme në favor të integrimit evropian si axhende kombëtare!”, shkruan Bregu në Facebook.
Ajo thekson se pret përgjigje nga Ministrja e Integrimit.
Redaksia Online
(g.f/shqiptarja.com)