Këto janë procedurat për birësimin
 e një fëmije në Kosovë (Video)

Rreth 40 fëmijë në vit nisin jetën e tyre në këto shtëpi të vendosura në një “fshat” të vogël në periferi të kryeqytetit. Disa arrijnë të birësohen shpejt, disa nisin jetën në shtëpitë dhe familjet SOS, e foshnjat e tjera mbeten në përkujdesjen e stafit të SOS fshatrave të Kosovës.

Mjellma Luma, zyrtare për evokim në SOS fshatrat e fëmijëve, ka thënë se po përpiqen që fëmijëve t’u ofrohet ambient familjar. Ajo ka theksuar se qendra do të ridizajnohet, në mënyrë që fëmijëve t’u krijohet një formë e jetesës familjare.

KTV’ja ka biseduar me disa familje pretendente për të birësuar fëmijë dhe ata kanë shprehur habinë e tyre për procedurat e rënda dhe kohën e gjatë që duhet pritur deri në birësim.