Talebanët kanë qëlluar më armë zjarri për të shpërndarë qytetarët afganë të cilët po protestonin kundër qeverisë së re.
Protestuesit, shumë prej tyre gra kanë kërkuar të drejtat e tyre në rrugët e Kabulit, por talebanët kanë hapur zjarr për të shpërndarë protestuesit dhe i kanë kërkuar gazetarëve në terren që të mos filmojnë. Të shtënat kanë zgjatur për të paktën rreth dhjetë minuta.
Ndërkohë talebanët kanë shpallur fitoren mbi provincën Panjshir në verilindje të kryeqytetit, province e fundit e cila kishte shfaqur rezistencë. Grupi postoi pamje në internet të luftëtarëve të tyre duke ngritur flamurin e tyre në zonë.
Luftëtarët e rezistencës megjithatë thanë se ata ishin ende të pranishëm në disa pikë strategjike dhe nuk ishin dorëzuar. Udhëheqësi i tyre ka bërë thirrje për një "kryengritje kombëtare" kundër talebanëve.
Talebanët morën kontrollin mbi pjesën tjetër të Afganistanit tre javë më parë, duke marrë nën kontroll kryeqytetin më 15 gusht pas rënies së qeverisë së mbështetur nga Perëndimi.
Talebanët erdhën në krye të qeverisë gati 20 vjet pasi forcat amerikane morën nën kontroll vendin.
Panjshir, një luginë e thyer malore, është shtëpia e 150,000 deri në 200,000 njerëz. Ishte një qendër e rezistencës kur Afganistani ishte nën pushtimin Sovjetik në vitet 1980 dhe gjatë periudhës së mëparshme të sundimit të talebanëve, midis 1996 dhe 2001.
Lajme të tjera
-
Turqia dëbon nga territori i saj 325 shtetas afganë
10 Nëntor, 16:06 -
‘Samiti i Grave Afgane’ në Tiranë, ministri Hasani: Regjimi taleban e ka përkeqësuar situatën, Shqipëria në mbështetje të tyre!
11 Shtator, 10:17 -
Po sikur SHBA të ‘lodhet’ me Kosovën si me Afganistanin?!
31 Gusht, 19:12
-
Gjermania kritikohet për shqyrtimin e dëbimit të afganëve dhe sirianëve
20 Qershor, 18:42 -
Barka me emigrantë përmbyset në brigjet e Kalabrisë, flitet për 65 të zhdukur mes tyre 26 fëmijë
17 Qershor, 19:44 -
OKB: 1000 ditë prej kur talibanët ndaluan arsimin e mesëm për vajzat
13 Qershor, 22:11 -
Qindra të vdekur nga vërshimet në Afganistan
11 Maj, 12:55 -
Shtatë të vrarë nga sulmi në një xhami në Afganistan
30 Prill, 11:04 -
U shpërthen mina duke luajtur, vriten 9 fëmijë në Afganistan
1 Prill, 14:42 -
Talebanët kryejnë ekzekutim publik të dyfishtë, mijëra njerëz mbushin stadiumin për të parë vrasjen e dy burrave
22 Shkurt, 15:35 -
Grave beqare dhe të pashoqëruara u mbyllen të gjitha dyert nën sundimin taleban
2 Shkurt, 08:08 -
Mianmari tejkalon Afganistanin për prodhimin e opiumit
12 Dhjetor 2023, 09:42
