POP 5

Lajmet më të lexuara të 5 minutave të fundit

Politikë

Kadilli në Report Tv: Berisha s'duhet të ishte në politikë që në 2013, imponon modelin e tij në PD prej mefshtësisë së Bashës! Heshtja e tij po inkriminon partinë në marrëdhëniet me SHBA

Anëtari i kryesisë së PD, Fatbardh Kadilli ka shpërthyer ndaj Lulzim Bashës duke thënë se mefshtësia dhe heshtja e tij para kërkesë së SHBA-së për moslejimin e futjes së Berishës në Kuvend, po inkriminon marrëdhëniet e partisë me një prej aleatët më të fortë. Për të Berisha duhet të ishte larguar që prej 2013 nga politika, dhe sot Berisha po mban peng partinë lidhur me ngërçin me SHBA. Kadilli bëri të qartë se ai nuk do të heq dorë nga përpjekja për të marrë PD.

Anëtari i kryesisë së PD, Fatbardh Kadilli ka shpërthyer ndaj Lulzim Bashës duke thënë se mefshtësia dhe heshtja e tij para kërkesë së SHBA-së për moslejimin e futjes së Berishës në Kuvend, po inkriminon marrëdhëniet e partisë me një prej aleatët më të fortë. Në një intervistë për Report Tv, Kadilli tha se është e pakonceptueshme që në vend që të flasë Kryetari i partisë, flet ish kryetrari, i cili vijon të imponojë modelin e tij në parti.

Kadilli tha se Berisha duhet të ishte larguar që prej 2013 nga politika, por paaftësia e Bashës për të bërë liderin, po bën që sot Berisha të mbajë peng partinë lidhur me tensionimin e marrëdhënieve me SHBA që pas shpalljes së tij 'non grata'.

"Basha nuk ka pasur një qëndrim të qartë për çështjen më të rëndësishme në raport me SHBA, aleatin më të rëndësishëm që ka qenë pjesë që nga krijimi në ditën zero. Basha nuk po flet, por PD nuk mund të rri pa zërin e kryetarit. Ca është ai kryetar që nuk flet dhe flet ish kryetari? Për çfarë na duhet kryetrari? Ne po shohim që Berisha po imponon modelin e tij edhe pas 30 vitesh, këtë do vazhdojmë të bëjmë akoma? Prandaj ne nuk mund të ikim nga partia por duhet të luftojmë për ringritjen e saj, pasi Basha është një i mefshtë që nuk mund të bëjë liderin në parti. Çdo demokrat duhet të bëjë përpjekjet e tij, të jetë vetëveprues dhe të mos presë nga Basha të bëjë këtë apo atë, apo të pres oportunizmin se po fiton ndonjë gjë nga Basha. Edhe po të mos ishte ngërçi me SHBA, Berisha nuk duhet të ishte në politikë që në 2013, që këtu ne kemi humbur besimin dhe moralitetin. Tani vjen SHBA e thotë se hoqët ju po kërkojmë ta heqim ne. Kështu ne bëhemi të pabesueshëm për demokratë dhe opozitën në vend", tha Kadilli.

Kadilli bëri të qartë se ai nuk do të heq dorë nga përpjekja për të marrë PD dhe ai ka paraqitur 5 sfida për të rikthyer opozitë në politikë. Ai tha se asnjëherë nuk është vonë dhe se gjithkush është i ftuar t'i bashkohet kësaj filozofie. Në lidhje me mbledhjen e Këshillit Kombëtar, Kadilli tha se nuk pret asgjë pasi është thjeshtë takim formal dhe nuk do të ketë diskutime

"Do doja që Këshilli Kombëtar të kishte mbledhje dhe diskutime të hënën, por do të jetë thjeshtë formale. Sot kam publikuar 5 sfidat që rikthejnë opozitën në politikë. Asnjëherë nuk është vonë, gjithkush është i ftuar t'i bashkohet kësaj filozofie të re. Nuk heq dorë nga përpjekja për të marrë PD. Lufta politike humbet besimin nëse nuk ka arsye të vërteta dhe të gjithë kolegët e mi duhet të flasin dhe të mbajnë përgjegjësi për të çliruar PD nga fanatikët dhe të mos sillen si oportunistë në PD. sot duhet t'i propozojmë demokratëve dhe shoqërisë opozitare një platformë tjetër që do të sjellë ringritjen e PD, nuk më intereson Basha apo Berisha, por besimi i partisë. Duhet një kod i ri zgjedhor për t'i hequr monopolin kryetarit të partisë, të kemi një balancim të kushtetutës, referendum dhe ndarje e re territoriale, lufta politike duke përdorur korrupsionin humbet besimin', tha Kadilli.

Në lidhje me vendimin e Mark Markut për të lënë mandatin e deputetit, për Kadillin ky ishte një vendim drastik dhe se Marku nuk duhej të dorëzohej por të vijonte luftën brenda PD  për të ringritur partinë. Kadilli tha se Marku bëri reflektimin që në fakt duhet ta kishte bëra Basha me arsyet se pse la mandatin.

 

Rendit zhvillimet sipas orarit:
Ora 13:20
Marku lë mandatin e deputetit, Kadilli: E mirëkuptoj, por s'duhet të dorëzohej! Reflektimi i tij, reflektimi i munguar i Bashës

Ditën e sotme Mark Marku hoqi dorë nga mandati i deputetit që fitoi në qarkun e Lezhës duke renditur si arsyet  etapat e njëpasnjëshme të rënies së vazhdueshme te PD-së dhe mosdakodësisë së tij me vendimet e Bashës. Për Kadillin ky ishte një vendim i fortë dhe drastik të cilin e mirëkuptonte, por për të Marku nuk duhet të dorëzohej por të vijonte luftën brenda PD  për të ringritur partinë.

Kadilli tha se ai pranon dorëheqjen vetëm nga njerëz që kanë përgjegjësi për humbjet dhe degradimin dhe Marku nuk ishte një person i tillë. Në lidhje me arsyet e renditura pse la mandatin, Kadilli tha se Marku bëri reflektimin që në fakt duhet ta kishte bëra Basha.

"E mirëkuptojë Markun pse shkoi në një vendim të tillë drastik dhe sidomos për gjurmën dhe jehonën që krijoi brenda PD. Ky është një vendim i fortë që në thelb ekspozon një krizë të thellë besimi brenda PD dhe mungesën e lidershipit për demokratët. Reflektimi i Markut është reflektimi i munguar i Bashës. Marku u soll me bujë nga jeta publike në atë politike dhe për pak muaj largohet pasi mungon bashkëpunimi politik.  Marku nuk është përgjegjësi dhe nuk duhej të dorëzohej, unë jam për dorëheqje kur kanë përgjegjësi për humbje apo degradim të partisë. Dalja kundër nuk duhet të jetë një qëllim në vetvete, por duhet të ketë një qëllim më të madh, atë të kontributit për ndryshimin e partisë, megjithatë e mirëkuptoj vendimin e Markut", tha Kadilli.

I.K/Shqiptarja.com

I.K/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pa emer: 27/08/2021 22:32

    Basha dhe te tjere si BAsha mund te kene vjedhe por perderisa nuk Jane denuar nga gjykata nuk mund te quhen hajdute mire eshte qe Berishen ta akuzoje prokororia Jo njerzit ne rruge sepse po u terhoq e nxjerre veten me faj

    Përgjigju
  • x&x: 27/08/2021 15:42

    Zerat qe ngrihen kundra Saliut dhe distancimi qe i kerkohet Lulit jane te domosdoshme por me e mira eshte qe te ikin te dy. Por lind pyetja perse nuk ikin...??? Kthehemi ne kohe.... Lulezim Basha dihet boterisht qe ne rrugen e kombit vodhi 250 miljpn dollar. Logjika e thjeshte thote perse Saliu nuk e fundosi Lulin....?? SEPSE I KANE NDARE BASHKE, atehere si mund te ndahen...

    Përgjigju
    • Hajduti: 28/08/2021 08:52

      Luli vodhi 250 million por rrugen i la shtetit shqipetar. Keta qe jane sot ne qeveri e shiten si pronen e tyre private.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

25 Dhjetor, 17:03