POP 5

Lajmet më të lexuara të 5 minutave të fundit

Kultura

Kalaja e Lezhës drejt degradimit, vidhen ndriçuesit shkatërrohet ura hyrëse! Braktiset nga turistet

Kalaja e Lezhës është lënë në gjendje të mjerueshme. Një urë e rrezikshme në hyrje të saj dhe mungesa e ndriçimit kanë bërë që të humbasë interesin e vizitorëve. Ndërsa drejtoresha e Institutit të Trashëgimisë tha se do të ndërhyhet se shpejti për restaurimin e saj.

Nëse shkon në kalanë e Lezhës duhet të bësh shumë kujdes. Ura hyrëse me konstrukt druri është kalbur dhe disa nga dërrasat kanë rënë.

Por problemi nuk mbaron këtu. Këtij aseti historik i mungon edhe ndriçimi. Llambat e vendosura në vitin 2012 për 100-vjetorin e pavarësisë funksionuan vetëm pak kohë dhe investimi degradoj. Prozhektorët e kabllot u vodhën nga persona ende të paidentifikuar. Banoret të zonës e vizitor e konsiderojnë të pafalshme lënien në harrese të kalasë së Lezhës.

“Kjo ura është kalbur krejt, bile e ka ndërruar përgjegjësi i Kalasë por dikush mund të thyejë këmbën atje. Ndriçim jo e jo”, thotë një qytetar.

“Është hera e parë që vijmë këtu po e shohim që ura është shumë e dëmtuar. Duket shumë e rrezikshme për të kaluar, është e nevojshme e duhet patjetër një ndërhyrje”, shprehet një qytetare.

Në këtë situatë kalaja ka nisur të braktiset nga vizitoret.

I kontaktuar në lidhje me problemin e urës, specialisti Kulturës në Lezhë, Ded Margjoni thotë se Instituti Kombëtar i Trashëgimisë Kulturore ka miratuar fondin me vlerë 4 milionë lekë për rindërtimin e urës, por paratë ende nuk janë lëvruar.

Sakaq, "Report Tv" kontaktoi me drejtoreshën e përgjithshme të Institutit Kombëtar të Trashëgimisë Kulturore, Arta Dollani, e cila tha se kalaja do restaurohet me fondet e BE, ndërsa ndriçimi do të bëhet së shpejti me fondet e ministrisë.

"Kalaja e Lezhës është përfshirë në programin e rindërtimit. Është një nga projektet që do hartohet dhe do financohet me Delegacionin Europian, sepse është në zonën e tërmetit. Ndërkohë sa i përket ndriçimit janë 15 kala që janë përfshirë në një projekt që po bën Ministria e Kulturës për ndriçimin e tyre,  ku bën pjesë edhe Lezha. Ndriçimi do përfundojë deri në fund të vitit, ndërsa sa i përket rindërtimit, projekti do të jetë gati në dhjetor dhe më pas do të vijojë puna", tha Arta Dollani.

1601726963_ura.jpg

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alessio: 04/10/2020 10:21

    Joo,duhet bashkëpunim komuniteti..,duhet ndërgjegjësim e dënim per akte të tilla vjedhje ordinere.prej magjypësh mongolie.,turp e faqe zezë!!

    Përgjigju
  • sapa: 03/10/2020 19:00

    Kur vjedhin maskarenjte qe kane fronin dhe postet ne dore atehere te vegjelit kane te drejten morale te vjedhin dhe te shkulin gjithshka qe ju ze dora.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tjetër hap fals, Barcelona barazon 2-2 në Vigo! Celta i shënon dy gola në fund

Tjetër hap fals, Barcelona barazon 2-2 në Vigo! Celta i shënon dy gola në fund

23 Nëntor, 22:59