POP 5

Lajmet më të lexuara të 5 minutave të fundit

Kultura

Kalaja e Rozafës nuk e lëshon fronin, monumenti më i vizituar në vend! Ndërsa Ansambli vjen me koncert fantastik për turistët

Ansambli i Këngëve dhe Valleve Popullore dhuroi të mrekullueshme për qytetaret dhe turistët në Shkodër. Ky qytet frekuentohet më së shumti për kulturën dhe historinë, fakt që e dëshmojnë edhe shifrat. Në të gjitha parqet arkeologjike është rritur me 44% numri i vizitorëve, ku rekord mban Kalaja e Rozafës.

Rreth 252 mijë vizitorë janë regjistruar për periudhën janar-korrik në parqet arkeologjike në Shqipëri.  Të dhënat i bën publike Ministria e Ekonomisë Kulturës dhe Inovacionit dhe shifrat flasin për 44.9% vizitorë më shumë se e njëjta periudhë e vitit 2023.

Destinacioni më i vizituar sipas këtyre të dhënave është Parku Arkeologjik në Shkodër me afro 86 mijë vizitorë.

Por veç atraksioneve natyrore historisë dhe arkeologjisë, turistët e huaj kanë mundësinë të njihen edhe me kulturën e traditat shqiptare.

Ky është vetëm një moment nga shumë aktivitetet e kësaj natyre në qytetin e Shkodrës. Turistët dhe banorët, kaluan një natë ndryshe falë performancës së Ansamblit të Këngëve dhe Valleve Popullore.

Sipas drejtorit të Ansamblit, ky aktivitet mundësoi njohjen e vlerave të traditës dhe folklorit edhe për turistët e huaj

Parku i Butrintit është një tjetër atraksion interesant për pushuesit, vetëm për periudhën janar korrik është vizituar nga 84.742 vizitorë, ndërsa pas tij Parku Arkeologjik në Apoloni me mbi 68 mijë.

Turistët, apo edhe vizitorët vendas, kanë mundësinë që veç natyrës së bukur në det, mal të shijojnë kulinarinë shqiptare dhe të njihen me historinë, monumentet e kulturës dhe parqet arkeologjike.

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57