POP 5

Lajmet më të lexuara të 5 minutave të fundit

Sociale

Kalben domatet në sera, fermerët e Roskovecit në protestë: Fara ka qëlluar e skaduar, ministria e Bujqësisë na ka braktisur! Të na dëmshpërblejë

Fermerët e zonës së Jagodinës në Roskovec kanë protestuar ditën e sotme, pasi kanë probleme me farën e prodhimit të domates ‘ozgan’. Domatja është mbjellë në 3 muajt e fundit dhe fermerët nuk kanë marrë prodhimin, dhe ai pak prodhim që kanë marrë është i kalbur

FIER- Fermerët e zonës së Jagodinës në Roskovec kanë protestuar ditën e sotme, pasi kanë probleme me farën e prodhimit të domates ‘ozgan’. Domatja është mbjellë në 3 muajt e fundit dhe fermerët nuk kanë marrë prodhimin, dhe ai pak prodhim që kanë marrë është i kalbur.

Vetëm në këtë zinë janë rreth 15 fermerë të prekur nga ky fenomen, ndërsa theksojnë se prodhimi i kultivuar, nuk shitet as brenda vendit. Fermerët ndihen të braktisur nga shteti dhe kërkojnë ndërhyrjen e shtetit që të bëhet rregullator në këtë situatë. Sipas tyre kontrolli i farërave duhet të jetë i rrepte, për të garantuar prodhimin.

‘Po bëj dy vjet që ka ngritur këtë serë, e kam marrë me kredi dhe me borxhe. Kam 15 mln borxhe, mi mori lekët mi mori në dorë të farishtës, deri tani sa po e vjel po e hedh poshtë. Kam hedhur 80 kuintal poshtë. Unë kam 3 mln ilaçe. Na kanë mashtruar. Që në fillim fidani ka ardhur me probleme, e sollëm deri në këtë, marrim domaten dhe të na dalin çyryke. Nuk kam shitur asnjë kokërr domate. Shteti të dalë të shohë fermerët.’- tha një fermere.

‘Kemi blerë tek Maksi nuk kishte forcën të ecte si bimë nuk kishte rrënjë, qysh në fillim dukej. Edhe prodhim nuk ka, domatja është e çarë. Nuk arrin që të skuqet fare, askush nuk është interesuar. Ajo domate nuk vlen për të ikur jashtë, nuk është as për tregun e brendshëm.’- tha një tjetër.

‘Duhet të na thoshin se kur mbillet fidani. Ne kemi punuar me agronomë, ne fajësojmë ato që na kanë dhënë fidanët edhe ministria e Bujqësisë të na dëgjojë, të vërë dorë shteti.Askush se merr këtë domate. Të vij ta shohë ministri Bujqësisë bujkun.’- u shpreh një fermer.

Ky fidan domateje me origjinë nga Turqia ka hyrë në Shqipëri përmes grosistëve të produkteve bujqësore, ndërsa fermerët thonë se e kanë blerë nëpër farmaci bujqësore. Ata kërkojnë nga Ministria e Bujqësisë dëmshpërblim dhe gjurmimin e këtij mashtrimi.

 

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 03/10/2021 01:01

    Mos flisni kot,farat e skaduara nuk mbijne fare.Sa per domaten e care e keni vete fajin.Nuk lihet domatja te piqet deri ne ate pike sa cahet,sepse eshte e mbi bere.S.d.q. mund t'a perpunoni,t'a beni salce,leng domateje,etj

    Përgjigju
  • Artan: 02/10/2021 12:31

    Keta plehra bujq i kane mbushur shqiptaret me hormone dhe domate te skuqura ne menyre artificiale me substanca qe hyjne kontarbande ne Shqiperi.Tani ankohen. Normal, leket e fituara me menyra kriminale keshtu do shkojne, per lesh.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Nesër 5-vjetori i SPAK/ Zv.ndihmës sekretar i SHBA për Ballkanin Perëndimor, Kasanof vjen në Tiranë

Nesër 5-vjetori i SPAK/ Zv.ndihmës sekretar i SHBA për Ballkanin Perëndimor, Kasanof vjen në Tiranë

18 Dhjetor, 19:39