Raundi i 33-të i Superligës hapet me një nga përballjet më të shumëpritura të sezonit, derbin e fundit të kryeqytetit për këtë edicion mes KF Tiranës dhe Partizanit. Një sfidë me peshë të madhe për të dyja skuadrat, që synojnë maksimumin për të përmbushur objektivat e tyre në këtë fazë vendimtare të kampionatit. Takimi do të zhvillohet më 25 prill, në stadiumin “Air Albania”, duke nisur nga ora 19:00.

Java vijon më 26 prill me dy ndeshje të tjera interesante. Teuta do të udhëtojë drejt Ballshit për t’u përballur me Bylisin në orën 16:00, ndërsa Egnatia do të presë Vorën në shtëpi, në një duel që pritet të jetë mjaft i luftuar dhe me rëndësi për ecurinë e të dyja ekipeve.

Në qendër të vëmendjes mbetet edhe sfida mes AF Elbasanit dhe Vllaznisë, dy skuadra që kanë siguruar tashmë pjesëmarrjen në “Final 4”, por që vijojnë betejën për të grumbulluar sa më shumë pikë në funksion të fazës finale. Kjo përballje do të luhet të hënën në “Elbasan Arena” në orën 19:00.

Po në të njëjtën orë, në stadiumin e Vlorës, Flamurtari do të presë Dinamon në një tjetër duel delikat, ku çdo pikë mund të rezultojë vendimtare për objektivat e skuadrave në këtë fund sezoni.

Raundi i 33-të:

Tirana - Partizani, 25 prill 2026, ora 19:00, stadiumi “Air Albania”

Bylis - Teuta, 26 prill 2026, ora 16:00, stadiumi “Adush Muçaj”

Egnatia - FK Vora, 26 prill 2026, ora 19:00, stadiumi “Arena Egnatia”

AF Elbasani - Vllaznia, 27 prill 2026, ora 19:00, stadiumi “Elbasan Arena”

Flamurtari - Dinamo, 27 prill 2026, ora 19:00, stadiumi “Flamurtari”

Renditja: