POP 5

Lajmet më të lexuara të 5 minutave të fundit

Bota

Kalifornia nën kërcënimin e flakëve, digjen 21 mijë ha pyll si pasojë e motit të nxehtë

Kalifornia po përballet me një tjetër zjarrmasiv që ka përfshirë zonën e saj veriore. Si pasojë e zjarrit janë djegur 21 000 hektarë pyll, ndërsa 2000 banorë janë larguar nga banesat, një pjesë e të cilave janë shkatërruar. Shërbimi zjarrfikës paralajmëroi se zjarret mund të shtohen në vijim si pasojë e motit të thatë dhe erërave. Ky është zjarri  dytë më i madh që përfshinë Kaliforninë këtë vit.  

Me qindra zjarrfikës në Kaliforni po luftojnë me zjarrin më të madh të përhapur në këtë shtet gjatë këtij viti. Flakët e zjarrit nisën në qarkun verior Siskiyou të premten, kanë djegur tashmë 21,000 hektarë bëri të ditur shërbimi zjarrfikës i shtetit. Të paktën 2,000 banorë si dhe udhëtarë në shtegun e ecjes Pacific Crest janë larguar nga zona, thonë autoritetet, ndërsa disa shtëpi janë shkatërruar.

Një paralajmërim me flamur të kuq është vendosur dhe tregon kërcënimin nga zjarret pasi Kalifornia vuan në mënyrë të vazhdueshme nga thatësira. Gjendja e jashtëzakonshme u shpall në qarkun Siskiyou pasi shtëpitë u shkatërruan dhe infrastruktura u kërcënua, tha guvernatori i shtetit Gavin Newsom.

“Zjarri u intensifikua dhe u përhap nga karburantet, kushtet ekstreme të thatësirës, temperaturat e larta, erërat dhe stuhitë rrufe”, shtoi ai.

Autoritetet paralajmërojnë se stuhitë mund të shkaktojnë më shumë zjarre në ditët në vijim. Shërbimi Pyjor i SHBA-së paralajmëroi se kushtet mund të jenë "jashtëzakonisht të rrezikshme për zjarrfikësit, për shkak të erërave të çrregullta dhe të forta, duke bërë që flakët të përhapet në çdo drejtim".

Ky është zjarri i dytë i madh që ka përfshirë Kaliforninë ditët e fundit, pas flakëve që pushtuan Parkun Kombëtar Yosemite, më shumë se 1 javë më parë,

Ekspertët thonë se Kalifornia që po përballet me kushte të rënda thatësire, ndodhet ende para sezonit të zjarreve. Ndryshimi i klimës ka rritur rrezikun e motit të nxehtë dhe të thatë që me shumë gjasë provokon zjarret. Që nga fillimi epokës industriale temperatura globale është rritur me rreth 1.1C.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46