Kalimi i pronave publike tek privatët/ Basha: Akti i radhës korruptiv! Non-gratat i kanë vënë sytë Insitutit Albanologjik në qendër të Tiranës

Në konferencën e sotme për mediat kreu i PD-së Lulzim Basha u ndal tek propozimi i qeverisë për një projekt ligj për kalimin e pronave publike tek privatët, të formalizuar dje në Kuvend. Basha e denoncoi si një përpjekje të radhës korruptive për grabitjen e pronave publike për përfitim të disa oligarkëve të qeverisë.

Miratimi i djeshëm me votë, njësoj si miratimi i amnistisë para disa javësh, vetëm sa nxjerr zbuluar se as Edi Rama dhe as qeveria e tij jo vetë, që nuk janë serioz, por nuk janë në gjendje të formulojnë asgjë që është e pakorruptuar. Larg prej kësaj, ata vazhdojnë dhe në këto muaj të fundit të mandatit të tyre qeverisës të zhvasin, të shpërdorojnë, të tjetërsojnë çdo pasuri publike dhe taksat e shqiptarëve.

Ky është Edi Rama, kjo është e vërteta e luftës Kundër Korrupsionit të shpalllura me tam tame disa javë më parë. Fakti është që asgjë nuk mundet dhe nuk do ta devijojë rrugën 11 vjeçare të korruptuar të kësaj qeverie, përveç nje përpjekje të përbashkët për ta larguar me votë në zgjedhjet e ardhme parlamentare dhe një përpjekje të vazhdueshme për të çuar para drejtësisë dhe prapa hekurave aty ku askush s’ju bën dot derman, as Edi Rama, as oligarkët, këdo që abuzon me paratë dhe me pasuritë e shqiptarëve. Kjo është çështja kryesore ku doja të vendosja theksin dhe vëmendjen sot., thotë Basha.

LEXO EDHE:
Pakti PS-PD, kush fiton dhe kush humbet?

Basha thotë se i është vënë syri nga elementë non-grata Insitutit Albanologjik në qendër të Tiranës për të bërë ndërtime.

‘Indiciet fillestare tregojnë se interesat e personave të shpallur non-grata për korruptim zgjedhjesh i kanë vënë sytë Institutit Albanologjik në qendër të Tiranës. Megjithatë ne po bëjmë analizën  e plotë. Në momentin e parë që do kemi diçka përtej dyshimit do ta çojmë në SPAK’, tha Basha.

Sa i përket protestës tek teatrit, Basha thotë se PD i mbështeti që në fillim dhe nuk ka përgjegjësi për atë që ndodhi më pas, por duhet gjetur përgjegjësia tek kryeministri dhe kryebashkiaku i Tiranës.

‘Premisë e gabuar. PD ka mbështetur që në fillim protesta te teatri. Të kërkosh te PD përgjegjësi për shembjen e teatri është naivitet në rastin më të keq ligësi’, thekson kryedemokrati.

Nga ana tjetër, Basha u kujtua nga gazetarët për 7-vjetorin e marrëveshjes me Ramën në 2017, para zgjedhjeve parlamentare. Basha thotë se ata që sot flasin kundër e përshëndetën atëherë në mënyrë frenetike.

‘Kjo është një çështje që mund ti rikthehemi sa herë të doni. Ju kujtoj të hapni arkivat dhe të shikoni përshëndetjet frenetike të atyre që sot sulmojnë se nuk ishin në listën e deputetëve. Është më mirë të fokusohemi në sfidat e sotme dhe në objektivin e përbashkët të largojmë këtë qeveri të korruptuar’, shton ai.

Basha thotë se ka diferencë mes trekëndëshin Rama-Berisha-Meta, pasi i qëndron si forcë politike një axhende reformuese.

‘Produkti i kësaj politike 34-vjeçare jeni dhe ju. Ajo që bën diferencë është qëndrimi dhe rekordet. Sot qëndrojmë me një axhendë reformuese për të lënë pas një politikë 34-vjeçare. Shqipëria vuan sot pasojat e një politike të personalizuar. Është personalizimi i gjithçkaje, i institucioneve shtetërore, debatit publik. Është kjo kulturë politike që e trajton Shqipërinë si çifligun e tyre. Në rekordin tim persona të PD qëndrojnë përpjekje të vazhdueshme për ta shkëputur Shqipërinë nga kjo politikë ciklike.

Dy janë shtyllat transparenca dhe fundi i pandëshkueshmërisë. Kemi arritur të vendosim standarde që politika të jetë biznes. Kemi propozuar vettingun e politikanëve, heqjen e imunitetit të deputetëve. PD ka një koncept të konsoliduar ndryshe për vendin. Më diferencon mua me këdo që ka pasur përgjegjësi për këtë vend. Asnjë prej tyre nuk përbën më zgjidhje për Shqipërinë. Me hapat që kemi hedhur kemi treguar që jemi në shërbim të interesit publik’, thekson Basha.

Sakaq, Basha komenton edhe Metën duke thënë se bën si i djathtë dhe demokrat për ti marrë votat demokratëve dhe për t’ja çuar Edi Ramës. 

Duke u ndalur tek propozimet e tij për vettingun e politikanëve apo reformën zgjedhore i ka pasur vite më parë dhe jo kur u përça PD-ja.

‘Është e lehtë të arrish në konkluzione bazuar në fushë vështrimi subjektiv. Vettingun e politikanëve e kemi propozuar që në 2016. Kemi prej vitesh që propozojmë reformën zgjedhore. PD ka qëndruar koherente dhe nuk ka ndryshuar kurs, për ndërtimin e një shteti. Duhet të kemi votë në Kuvend për të ndryshuar. Gjithë synimi ynë është që sot shqiptarëve tu shpalosim një platformë të besueshme’, shprehet Basha.

Së fundmi kryedemokrati jep edhe një koment për megaoperacionin e SPAK në bashkëpunim me policinë e shteti në disa qytete të vendit.

‘Operacioni është në vijim. Mbështesim pa rezervë të gjithë veprimet e BKH dhe SPAK. Krimi i organizuar është problem për vendin. Nuk do ishte në këto nivele nëse nuk do ishte në bashkëpunim me qeverinë. Është përgjegjësi politike dhe dhjetëfishimin e krimit të organizuar’, komentoi Basha.

Rendit zhvillimet sipas orarit:

Të Fundit Të Parat

G.K/S.Ç/Shqiptarja.com

TAG:
• PD
• lulzim basha