'Madhështia e tij shihej e bashkuar me thjeshtësinë', Arjan Culiqi: Kohëve të fundit kishte një merak, që ta ngremë estradën e Shkodrës në lartësinë që meriton

Aktori Arjan Culiqi, teksa dukej i kapluar nga mërzia për vdekjen e aktorit të mirënjohur, Zef Dedës, u shpreh se ky i fundit ishte një aktor me cilësi tepër të rralla.

“Largimi i Zef Dedës nga kjo jetë edhe një humbje e madhe jo vetëm për qytetin tonë po për të gjithë shqiptarinë. Zefi ishte një aktor multidimensional, ishte një aktor me cilësi tepër të rralla, me cilësi që akoma edhe sot nuk ka aktorë të tillë. Zefi kishte një vokal të rrallë, ishte një këngëtar, ishte parodist, pantomimist. Madhështia e tij shihej e bashkuar me thjeshtësinë. Ishte një aktor që ishte tepër i rrespektuar, krijonte atmosferë të mirë, gjithmonë i qeshur, gjithmonë aktiv gjatë provave. Unë kam qenë me fat që kam punuar me të madhin Zef Deda. Kohëve të fundit ai kishte një merak, një dëshirë të madhe që ta ringremë estradën e Shkodrës, në ato nivele që ajo ishte dikur dhe kjo dëshirë e tija për mua është detyrë që ta ngremë estradën në atë lartësi që ajo meriton”,- është shprehur Culiqi.

LEXO EDHE:
Basketboll meshkuj/ Besëlidhja shumë e fortë për Tiranën, e mund 3-0 dhe siguron finalen

Lajmi kryesor:

Shkodra i jep lamtumirën mjeshtrit të humorit Zef Deda! Duartrokitja e fundit dhe lot në Teatrin 'Migjeni'! Aktorët: U shua një yll! Juli: Na ndihmo nga lart!

K.M/Shqiptarja.com

TAG:
• Shkoder
• Zef Deda