POP 5

Lajmet më të lexuara të 5 minutave të fundit

Kronikë

Kamera e helikopterit, kërkohet
 ndihma e ekspertëve të huaj

Hetuesve shqiptar do t’i duhet ende kohë për të zbardhur filmimet e kameras së bordit të helikopterit EC 145 rrëzuar më 6 prill në Liqenin e Shkodrës. Një kërkesë për ndihmë me ekspertë i është drejtuar autoriteteve gjermane, ndërsa Report Tv sjell 3 foto të shkrepura nga qytetarët pak minuta para se helikopteri të rrëzohej në liqen.  VIDEO
Ekspertët shqiptarë nuk kanë mundur të rikuperojnë pamjet filmike të kamerës së bordit nga helikopteri AirBus “EC-145” rrëzuar më 6 prill në Liqenin e Shkodrës. Për të rikuperuar filmimet e xhiruara nga memoria që shihni në këtë foto grupi hetimor ka vendosur t’i drejtohet për ndihmë me anë të kompanisë “Eurocopter” autoriteteve gjermane. Pjesa e kutisë së memories së kamerës së bordit të helikopterit u gjet nga zhytësit e RENEA-s 3 ditë më parë dhe i është dorëzuar grupit hetimor ku bëjnë pjesë Prokuroria, Ministria e Mbrojtjes dhe Policia.

Ndërkohë televizioni “Report Tv” ka sjellë 3 foto të shkrepura pak minuta para rrëzimit të helikopterit në liqenin e Shkodrës. Siç dhe shihni në këto foto ajo që bie në sy është lartësia e ulët e fluturimit çka është konfirmuar dhe në dëshminë e ushtarit të mbijetuar Gerald Baramuca. Dy foto janë shkrepur në zonën e Dibrës, ndërsa ajo ku helikopteri duket shumë afër me banesat, është shkrepur në fshatin Grizhë, në Malësi të Madhe. Ndërkohë në një takim këtë të hënë në bazën ajrore të Farkës e shoqëruar dhe nga Shefi i Shtabit Jeronim Baze, ministrja e Mbrojtjes Mimi Kodheli u shpreh se po bëhet më e mira për zbardhjen e kësaj ngjarje.

Kamerat në Gjermani
Kamera është instaluar për të filmuar vetëm panelin instrumentor të helikopterit dhe regjistron me audio çdo bisedë që bëhet në bordin e tij. Burimiet thonë se ekspertët e kompanisë së prodhimit të helikopterit nuk kanë trajnuar ekspert shqiptar për hapjen e kësaj kamere, çka është parë e nevojshme ardhja e ekspertëve të huaj në Shqipëri. Por edhe me mbërritjen e  ekspertëve dhe nxjerrjes nga bordi i helikopterit të kësaj kamere sigurie, ata nuk kanë arritur të rikuperojnë pamjet dhe zërin që ndodhet i regjistruar.

Çka është parë e nevojshme dhe po diskutohet që këto karta dhe hardisku i kamerës të dërgohet për ekzaaminim në Gjermani. Sipas ekspertëve kamera, edhe në momentin e parplasjes, është programuar që të fotografoi gjendjen e fundit të panelit instrumental, për të treguar se si ka qenë gjendja e helikopterit në momentin e përplasjes. Kjo kamer, thonë burimet filmon gjatë gjithë kohës që helikopteri është i ndezur deri në momentin e fikjes dhe është i vendosur brenda disa kutive plastike rezistent ndaj ujit ku pamjet e filmuara dhe zëri nuk dëmtohen apo shkatërrohen edhe nga thyerja.

Ende s’dihet shkaku i rrëzimit
Burimet thonë se ende nuk dihet cili ka qenë shkaku i rrëzimit të helikopterit, por ekspertët e Forcave të Armatosura mendojnë se janë tre opsione. Ajo e gabimit njerëzor gjatë pilotimit, një gabimi teknik ose të dy këto së bashku që çakordojnë sistemin elektronik të helikopterit. Nga ana tjetër, nëse ekspertët konstatojnë se rrëzimi i helikopterit ka qenë si pasoj e problemeve teknike, kompania e prodhimit përveç se duhet të pezulloi prodhimin e këtyre lloj helikopterëve, duhet të dëshmpërblej qeverinë shqiptare edhe humbjen e jetës së dy pilotëve që tashmë janë shpalur dëshmor të kombit.


kutia e zeze e helikopterit me logo report
(Kamera e bordit gjetur ne Liqenin e Shkodrës)


helikopteri diber
( Helikopteri mbi banesat në fshatin Grizhë, afër Liqenit të Shkodrës)



helikopteri diber
(Helikopteri gjatë fluturimit në Dibër)
helikopteri diber
(Helikopteri gjatë fluturimit në Dibër)


Redaksia online
(u.s/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

‘Studio Live’/ Bejtja: Sazani jo më ‘pika e zjarrit’, i vetmi ‘agresion’ na vjen nga turizmi! Kushner s’është investitori më i madh! Çoçoli: Investimi 1,4 mld USD, 1 mijë vende pune

‘Studio Live’/ Bejtja: Sazani jo më ‘pika e zjarrit’, i vetmi ‘agresion’ na vjen nga turizmi! Kushner s’është investitori më i madh! Çoçoli: Investimi 1,4 mld USD, 1 mijë vende pune

16 Janar, 20:04