'Kamerat e katit të parë kanë qenë të hapura', PD nxjerr videon që hedh poshtë deklaratën e Vokshit: Partnerët e Berishës po shpërndajnë gënjeshtra

Partia Demokratike ka publikuar një tjetër video që hedh poshtë deklaratën e Albana Vokshit, që tha se kamerat e katiti të parë të selisë kanë qenë të hapura dhe kanë regjistruar. Në videon që publikon PD, duken teksa protestuesit kanë bllokuar kamerat me flamuj apo dhe kur i kanë ngjyrosur.

"Partnerët në krimin e Sali Berishës po përpiqen të shpërndajnë përditë më shumë gënjeshtra dhe mashtrime për të mbuluar dhunën kundër PD.

Pasi dështuan sepse demokratët i kanë braktisur, ata tani duan të mbulojnë sadopak sulmin kundër demokratëve në 8 janar. Albana Vokshi gënjen: gjithë bota e pa sesi për të fshehur kriminelët para dhunimit të PD, ata nxorën jashtë përdorimit kamerat që ishin instaluar në ambientet e brendshme dhe të jashtme të selisë.

Çdo demokrat e çdo shqiptar pa në 8 janar se Sali Berisha ishte gati të sakrifikojë dhe jetën e tyre për hallin e tij. PD është e demokratëve, nuk është më e një njeriu "non grata" për korrupsion. Ai është tashmë vetëm një e shkuar e dhunshme dhe e keqe", shkruan PD.

 

Lajmi kryesor:

8 janari protestë paqësore, kamerat e katit të parë të hapura? PD hedh poshtë me video deklaratat e mbështetësve të 8 janarit: Berisha urdhëruesi i dhunës

B.K./Shqiptarja.com

TAG:
• PD
• Lufta brenda PD
• perplasja berisha basha
• 8 janari i berishes