Ish kryeministri, Sali Berisha ka reaguar për aksionin e policisë së Shkodrën ditën e sotme ku u hoqën 21 kamera sigurie të vendosura nga grupet kriminale për të mbikëqyrur policinë. Berisha shkruan se bandat kriminale kontrollojnë jo vetëm territorin por edhe vendimmarrjen deri në qeveri.

"Krimi kontroll të rreptë të territorit. Bandat kanë vendosur krahas policisë kamera speciale në shtyllat elektrike në rrugët dhe sheshet e qytetit të Shkodrës për kontrollin e qytetit. Si Shkodra, në sundimin e krimit është e mbarë Shqipëria. Bandat kontrollojnë jo vetëm territorin, por dhe vendimarrjen: në rruge, në zyra, në polici, gjykata, prokurori, qeveri, parlament dhe çdo gjë! Ky është narkoshtet!"- shkruan Berisha. 


Lajmi kryesor:

Grupet kriminale 'nën vëzhgim' policinë, çmontohen 21 kamera sigurie në Shkodër! Të vendosura në Dobraçin e Bajrave dhe në Kirasin e fiseve Lici dhe Bilali (VIDEO)