KAMËZ- Një 41-vjeçar është vënë në prangat e policisë së shtetit për shkak se është kapur më armë zjarri dhe municione luftarake.
I arrestuari është A. K., 41 vjeç, lindur në Laç, Mat dhe banues në zonën e quajtur “Frutikulturë”, i dënuar me parë.
Policia është njoftuar nga qytetarët se 41-vjeçari po qarkullonte me pistoletë. Më pas është organizuar operacioni i koduar "Ekol" në vendin e quajtur “Frutikulturë”, në rrugën “Pandeli Sotiri ku është arrestuar.
Më pas, operacioni ka vijuar në banesën e tij, ku gjatë kontrollit Policia gjeti edhe një tjetër armë zjarri kallashnikov, me një krehër me 30 fishekë luftarakë.
Tashmë i arrestuari do të akuzohet për veprën penale “Mbajtja pa leje e armëve luftarake dhe e municionit”.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)